പത്തനാപുരം: മന്നത്തുപത്മനാഭന്റെ ജയന്തി ആഘോഷത്തിന്റെ ഭാഗമായി പ്രദേശത്തെ വിവിധ എന്എസ്എസ് കരയോഗങ്ങളുടെ നേതൃത്വത്തില് വിവിധ പരിപാടികള് നടന്നു. മഞ്ചള്ളൂര് 5361-ാം നമ്പര് ശ്രീകൃഷ്ണവിലാസം എന്എസ്എസ് കരയോഗത്തിന്റെ ആഭിമുഖ്യത്തില് നടന്ന ശുചീകരണപ്രവര്ത്തനം കരയോഗം പ്രസിഡന്റ് എന്.ജി.അപ്പുക്കുട്ടന്നായര് ഉദ്ഘാടനം ചെയ്തു.
തുടര്ന്ന് കാടുകയറിക്കിടന്ന പത്തനാപുരം-കുന്നിക്കോട് പാതയുടെ വശങ്ങള് പ്രവര്ത്തകര് ശുചീകരിച്ചു. വനിതാകരയോഗം പ്രവര്ത്തകരും ചടങ്ങിന് നേതൃത്വം നല്കി. കരയോഗം ഭാരവാഹികളായ അനില്കുമാര്, ശശിധരന്പിള്ള, സുരേഷ്ബാബു, രാധാമണിയമ്മ, ഗിരിജാകുമാരി എന്നിവര് ചടങ്ങിന് നേതൃത്വം നല്കി.
തലവൂര് കുരാ 481-ാം നമ്പര് ശ്രീനാരായണവിലാസം എന്എസ്എസ് കരയോഗത്തിന്റെ നേതൃത്വത്തില് പായസവിതരണം സംഘടിപ്പിച്ചു. ആചാര്യഅനുസ്മരണത്തിനുശേഷം കരയോഗം ഭാരവാഹികള് പായസം വിതരണം ചെയ്തു. ചടങ്ങിന് കരയോഗം പ്രസിഡന്റ് എന്.സുധാകരന്പിള്ള, സെക്രട്ടറി സുരേഷ്കുമാര്, ശശിധരന്പിള്ള, രഘുനാഥപിള്ള, അജികുമാര്, സതീഷ്കുമാര്, ദാസപ്പന്പിള്ള, ബാബു, സുരേഷ് എന്നിവര് നേതൃത്വം നല്കി.
