ശബരിമല: പ്ലാസ്ററിക് ടിന്നുകളിലെ അരവണ വിതരണം സംബന്ധിച്ച് വ്യാപക പരാതി.കഴിഞ്ഞ ദിവസമാണ് പേപ്പര് കണ്ടൈനറിനുപകരമായി പഴയ പ്ലാസ്ററിക് ടിന്നുകളില് അരവണ നിറയ്ക്കാന് തുടങ്ങിയത്.
പത്ത് അരവണ ടിന്നുകള് അടങ്ങിയ ബോക്സിലാണ് പ്ലാസ്റ്റിക് ടിന്നുകള് ഉപയോഗിക്കുന്നത്.അന്യസംസ്ഥാനത്തുനിന്നെത്തിയ അയ്യപ്പഭക്തര്ക്ക് നിരവധി ദുരനുഭവങ്ങളാണ് അരവണയുടെ കാര്യത്തില് നേരിടേണ്ടിവരുന്നത്.
പലടിന്നുകളും നിറഞ്ഞ്കവിഞ്ഞാണ് പലര്ക്കും ലഭിച്ചത്. ഇത് വന് പരാതിക്കാണ് ഇടനല്കിയത്. പല ഭക്തരും പ്ലാസ്റ്റിക് ടിന്നുകളിലെ അരവണ വാങ്ങിയശേഷം മടക്കിനല്കാനായി ശ്രമിച്ചു. കൂടാതെ വിമാനയാത്രക്കാരായ അയ്യപ്പഭക്തരെ പ്ലാസ്റ്റിക് അരവണ ടിന്നുകളുടെ പേരില് നെടുമ്പാശേരി വിമാനത്താവളത്തില് തടഞ്ഞതായും വാര്ത്തയുണ്ട്.
അടുത്ത ദിവസങ്ങളില് പേപ്പര് കണ്ടൈനറുകള് എത്തിക്കാന് സാധിക്കുമെന്നാണ് അധികൃതര് നല്കുന്ന സൂചന. പ്ലാസ്റ്റിക് ടിന്നുകളിലെ പ്രസാദവിതരണം അരവണയുടെ വില്പ്പനയെ ദോഷകരമായി ബാധിക്കും. അരക്കോടി ടിന്നുകളിലേറെയാണ് മകരവിളക്കുകാലത്തെ അരവണ വില്പ്പന. പതിനഞ്ച് ശതമാനത്തിലധികം ഇത് ഉയരാനും സാധ്യതയുണ്ട്. ഈ അവസരത്തിലാണ് പ്രസാദം പ്ലാസ്റ്റിക്കിലാക്കി അധികൃതര് പുതിയ വിവാദം ഉണ്ടാക്കിയത്.
