കുണ്ടറ: പെരിനാട് ഗ്രാമപഞ്ചായത്ത് വീട്ടുകരവും സേവനനികുതിയും വര്ദ്ധിപ്പിച്ചതിനെതിരെ ബിജെപി പെരിനാട് ജംഗ്ഷനില് കൂട്ടനിരാഹാരം ആരംഭിച്ചു.
ബിജെപി ജില്ലാ ജനറല്സെക്രട്ടറി വെള്ളിമണ് ദിലീപ് ഉദ്ഘാടനം ചെയ്തു. കേന്ദ്രസര്ക്കാര് എട്ടുതവണ പെട്രോള്, ഡീസല് വില കുറച്ചിട്ടും നിത്യോപയോഗ സാധനങ്ങളുടെ വില കുറയ്ക്കാതെ പാവപ്പെട്ട ജനങ്ങളുടെ നട്ടെല്ലൊടിക്കുന്ന യുഡിഎഫ് നയങ്ങള്ക്കും, വീട്ടുകരം, സേവനനികുതി എന്നിവ അനധികൃതമായി വര്ദ്ധിപ്പിച്ച് സാധാരണക്കാര്ക്ക് ഇരുട്ടടി നല്കുന്ന സിപിഎമ്മിനെതിരെയും ശക്തമായ സമരപരിപാടികള് ആരംഭിക്കുന്നതിന്റെ സൂചനയാണ് പെരിനാട് ആരംഭിച്ച കൂട്ടനിരാഹാരമെന്ന് അദ്ദേഹം ഓര്മ്മിപ്പിച്ചു.
കൂട്ടനിരാഹാരം അനുഷ്ഠിക്കുന്ന പഞ്ചായത്ത് സമിതി പ്രസിഡന്റ് ഇടവട്ടം വിനോദ്, മണ്ഡലം സെക്രട്ടറി മഠത്തില് സുനില്, ഗ്രാമപഞ്ചായത്ത് മെമ്പര് ഉമേഷ് ചന്ദ്രന്, എസ്സി മോര്ച്ച മണ്ഡലം പ്രസിഡന്റ് കെ.വാസുദേവന്, പഞ്ചായത്ത് സമിതി സെക്രട്ടറി സുരേഷ്കുമാര് അയോദ്ധ്യാ എന്നിവരെ അദ്ദേഹം ഹാരമണിയിച്ചു.
മണ്ഡലം സമിതിയംഗം ശിവകുമാറിന്റെ അദ്ധ്യക്ഷതയില് ചേര്ന്ന ഉദ്ഘാടന സമ്മേളനത്തില് മണ്ഡലം പ്രസിഡന്റ് സജീവ് ചന്ദ്രന്, ടി.കെ.സുകുമാരന്, കെ.എന്.ഉദയകുമാര്, വസന്താബാലചന്ദ്രന്, സന്ധ്യ, സുരേഷ് ചിറക്കോണം എന്നിവര് സംസാരിച്ചു. നിരാഹാര സമരത്തിന് അഭിവാദ്യം അര്പ്പിച്ച് ചെറുമൂട് ജംഗ്ഷനില് നിന്നാരംഭിച്ച പ്രകടനത്തില് നൂറുകണക്കിന് പ്രവര്ത്തകര് പങ്കെടുത്തു.
