ന്യൂദല്ഹി: രാജ്യം ഒന്നടങ്കം നിര്ഭയയുടെ രണ്ടാം ചരമവാര്ഷികത്തില് ആദരാഞ്ജലി അര്്പ്പിച്ചു. അതേസമയം രാജ്യത്ത് സാമൂഹ്യമാറ്റം അനിവാര്യമാണെന്നും ജുവൈനല് നിയമം ശക്തമായി നടപ്പാക്കണമെന്നും നിര്ഭയയുടെ അമ്മ മകളുടെ രണ്ടാം ചരമവാര്ഷിക ദിനത്തില് ആവശ്യപ്പെട്ടു.
സമൂഹത്തില് കാതലായ മാറ്റമുണ്ടായാല് നമ്മുടെ രാജ്യത്തെ 50 ശതമാനം കുറ്റകൃത്യങ്ങളും ഇല്ലാണ്ടാകും. സ്ത്രീകള്ക്കെതിരെ കുറ്റകൃത്യങ്ങള് ഇല്ലാതെയാക്കാന് ശക്തമായ നിയമങ്ങള് വേണം. നമ്മുടെ സമൂഹത്തില് ശക്തമായ മാറ്റം അനിവാര്യമാണ്.
ഒട്ടുമിക്ക കുറ്റങ്ങള്ക്കും പുറകില് ബന്ധുവോ സുഹൃത്തോ അറിയുന്ന ആള്ക്കാരോ ആണ്. സമൂഹമനസ്സ് മാറുന്നതു വരെ സ്ത്രീകള്ക്കെതിരായ കുറ്റകൃത്യങ്ങള് അവസാനിക്കില്ല. ഇത്തരം കേസുകളിലെല്ലാം നിയമം ശക്തമായി നടപ്പാക്കുക തന്നെ വേണം. അവര് ആവശ്യപ്പെട്ടു.
സര്ക്കാരിനോടുള്ള തങ്ങളുടെ ആവശ്യം അതേപടി നിലനില്ക്കുന്നു. നിയമം നടപ്പാക്കുന്ന ശൈലിയില് സര്ക്കാര് മാറ്റം വരുത്തിയേ മതിയാകൂ. ഇത് കേവലം ഒരു കേസിന്റെ കാര്യത്തില് മാത്രമല്ല. കഴിഞ്ഞ കുറച്ചു നാളത്തെ കേസുകള് എല്ലാം എടുത്തു പരിശോധിക്കൂ. ഇതിലെല്ലാം കുറ്റവാളികള് പ്രായപൂര്ത്തിയാകാത്തവരാണ്. തങ്ങള് ശിക്ഷിക്കപ്പെടില്ലെന്ന തിരിച്ചറിവാണ് അവരെ കുറ്റം ചെയ്യാന് പ്രേരിപ്പിക്കുന്നത്, നിര്ഭയയുടെ അമ്മ പറഞ്ഞു.
സ്വച്ഛ ഭാരത് അഭിയാന് പോലെ സ്ത്രീ സുരക്ഷയ്ക്കായി എന്തെങ്കിലും പദ്ധതി രാജ്യവ്യാപകമായി ആരംഭിക്കണമെന്ന് പ്രധാനമന്ത്രി നരേന്ദ്രമോദിയോട് ആവശ്യപ്പെടുന്നതായും അവര് പറഞ്ഞു. രാജ്യത്ത് കുറ്റകൃത്യങ്ങള് ഇല്ലാണ്ടായാല് മാത്രമേ ശുചിത്വ ഇന്ത്യ എന്ന പ്രചാരണം പൂര്ണമാകുകയുള്ളൂ എന്നും അവര് കൂട്ടിച്ചേര്ത്തു.
2012 ഡിസംബര് 16ന് രാത്രിയാണ് 23 കാരിയായ ഫിസിയോതെറാപ്പി വിദ്യാര്ഥിനി ദല്ഹി നഗരത്തില് ഓടുന്ന ബസ്സിനുള്ളില് വച്ച് ക്രൂരമായി ബലാത്സംഗം ചെയ്യപ്പെട്ടത്. ആന്തരികാവയവങ്ങള്ക്ക് മാരകമായി പരിക്കേറ്റ യുവതി പിന്നീട് സിംഗപ്പൂരിലെ ആശുപത്രിയില് ചികിത്സയ്ക്കിടെ മരിച്ചു.
കേസില് പ്രതികളായ നാലുപേരെ വിചാരണയ്ക്കൊടുവില് ദല്ഹി കോടതി വധശിക്ഷയ്ക്ക് വിധിച്ചിരുന്നു. 2014 ല് ദല്ഹി ഹൈക്കോടതി ഇവരുടെ വധശിക്ഷ ശരിവച്ചിരുന്നു. പ്രതികള് അപ്പീല് നല്കിയതിനാല് കേ്സ് ഇപ്പോള് സുപ്രീംകോടതിയിലാണ്.
