കൊല്ലാട്: കോട്ടയം ജില്ലയുടെ ടൂറിസം മാപ്പില് ഇടം പിടിച്ചതും സഞ്ചാരികളുടെ ഇഷ്ടകേന്ദ്രമായിരുന്ന കൊല്ലാട് പാറക്കല്കടവിന്റെ പ്രതാപം തകര്ക്കുന്നു. പനച്ചിക്കാട് -പുതുപ്പള്ളി പഞ്ചായത്ത് അതിര്ത്തിയില് ഡി.ടി.പി.സി ആവിഷ്കരിച്ച പാറക്കല് കടവ് സൗന്ദര്യവത്കരണ ശ്രമങ്ങളാണ് പ്രാദേശീക രാഷ്രീയ നേതൃത്വവും, ഉദ്യോഗസ്ഥരും ചേര്ന്ന് അട്ടിമറിച്ചത്. ആമ്പല്ക്കുളങ്ങളും, അക്വേഷ്യ മരങ്ങളും ആദ്യകാലത്ത് ഫോട്ടോഗ്രാഫര്മാരുടെ സ്ഥിരം ഔട്ട് ഡോര് ലൊക്കേഷനായിരുന്നു ഇവിടം.
1987ല് പൊതുമരാമത്ത് വകുപ്പ് ഇവിടെ പാലം കൂടി പണിതതോടെ വിനോദസഞ്ചാരികള് ധാരാളമായി എത്തിയിരുന്നു. എന്നാല് പുതുപ്പള്ളി-പനച്ചിക്കാട് പഞ്ചായത്തുകളുടെ അതിര്ത്തി പ്രദേശമായ പാറക്കല്കടവിനോട് ഇരു പഞ്ചായത്തുകളും അടുത്തിടെ വരെ അവഗണന തുടര്ന്നു. പിന്നിട് ജനരോഷത്തേതുടര്ന്നാണ് സൗന്ദര്യ പദ്ധതി പ്രഖ്യാപിച്ചത്. ഇതിന്റെ ആദ്യഘട്ടമായി 10 ലക്ഷം രൂപ അനുവദിച്ചു. എന്നാല് പദ്ധതി ഫലം കണ്ടില്ല എന്ന ആക്ഷേപമുയര്ന്നതോടെ നിര്മാണപ്രവര്ത്തനങ്ങള് പാതി വഴിയില് നിലച്ചു.
സഞ്ചാരികള്ക്കിരിക്കാന് ഇരിപ്പിടങ്ങളും ഒരു കെട്ടിടവും വികസനത്തിന്റെ ഭാഗമായി ഇവിടെ നിര്മ്മിച്ചിരുന്നു. സ്ഥലത്ത് പുതിയതായി പ്രവര്ത്തനമാരംഭിച്ച റിസോര്ട്ട് ഉടമയെ സഹായിക്കാനാണ് വികസനം വേണ്ടെന്ന് വെച്ചതെന്ന് അഭിപ്രായമുണ്ട്. പുതുപ്പള്ളി പഞ്ചായത്തിലെ ചില കോണ്ഗ്രസ്സ് നേതാക്കള് തട്ടികൂട്ടിയുണ്ടാക്കുന്ന നാച്വറല് കഌബ്ബ്മായി ബന്ധപ്പെടുത്തി പഞ്ചായത്ത് ഫണ്ട് തട്ടാനും പദ്ധതിയുണ്ടെന്ന് പേര് വെളിപ്പെടുത്താത്ത കോണ്ഗ്രസ്സിലെ തന്നെ ഒരു നേതാവ് അറിയിച്ചു.
പൊതു പുഴയടക്കം സ്വകാര്യ വ്യക്തിയുടെ റിസോര്ട്ടിന്റെ പ്രവര്ത്തനത്തിന് വിട്ട് നല്കി ഡിടിപിസിയെ നോക്ക്കുത്തിയാക്കിനിര്ത്തിയത് ഭരണരംഗത്തെ പ്രബലര് ഇതിന് പിന്നിലുള്ളതിനാലാണെന്നും അയാള് പറഞ്ഞു. സംസ്ഥാന നിയമസഭയിലെ അതികായകരുടെ മണ്ഡലമായിട്ടും പാറക്കല് കടവിനോടുള്ള അവഗണനക്ക് പിന്നില് സ്വാര്ത്ഥ താല്പ്പര്യമാണെതിന് സംശയമില്ല
