കൊച്ചി: നെടുമ്പാശേരി സിയാല് ട്രേഡ് കണ്വന്ഷന് സെന്ററില് നടന്ന ജെം ആന്ഡ് ജ്വല്ലറി ഷോയില് വില്പന നികുതി ഇന്റലിജന്സ് വിഭാഗം റെയ്ഡ് നടത്തിയതുസംബന്ധിച്ച് സമഗ്ര അന്വേഷണം നടത്തണമെന്ന് സംഘാടകര് ആവശ്യപ്പെട്ടു.
ആറുവര്ഷമായി സര്ക്കാര് സഹകരണത്തോടെ നടക്കുന്ന പ്രദര്ശനം സംസ്ഥാനത്തെ ചെറുകിട ആഭരണക്കച്ചവടക്കാര്ക്കും നിര്മാതാക്കള്ക്കും മികച്ച അവസരങ്ങള് തുറന്നുകൊടുത്തു. ഇതില് അസംതൃപ്തരായ ചില വന്കിട കച്ചവടക്കാര് ഉദ്യോഗസ്ഥരെ ഉപയോഗിച്ച് പ്രദര്ശനം അട്ടിമറിക്കാന് നടത്തിയ നീക്കമാണ് റെയ്ഡെന്നും വില്പന നികുതി ഇന്റലിജന്സ് വിഭാഗം ഡെപ്യൂട്ടി കമീഷണര് അജയ് ഘോഷിന് ഇക്കാര്യത്തില് നിക്ഷിപ്ത താല്പര്യം ഉണ്ടായിരുന്നതായും സംഘാടകര് വാര്ത്താസമ്മേളനത്തില് ആരോപിച്ചു.
സമഗ്ര അന്വേഷണം ആവശ്യപ്പെട്ട് മുഖ്യമന്ത്രി ഉമ്മന്ചാണ്ടി, വ്യവസായ മന്ത്രി പി കെ കുഞ്ഞാലിക്കുട്ടി, ധനമന്ത്രി കെ എം മാണി എന്നിവര്ക്ക് നിവേദനം നല്കും. വില്പന നികുതി ഉദ്യോഗസ്ഥര് പിടിച്ചെടുത്ത സ്വര്ണം വിട്ടുകിട്ടണമെന്നാവശ്യപ്പെട്ടും അന്യായമായി പിഴ ചുമത്തിയതിനെതിരെയും ഹൈക്കോടതിയെ സമീപിക്കുമെന്നും സംഘാടകര് ആവശ്യപ്പെട്ടു.
എഒജെ മീഡിയ പ്രൈവറ്റ് ലിമിറ്റഡ് എംഡി സുമേഷ് വധേര, ജെം ആന്ഡ് ജ്വല്ലറി ഷോ കണ്വീനര് പി വി ജോസ്, ഗോള്ഡ് മര്ച്ചന്റ്സ് അസോസിയേഷന് ജനറല് സെക്രട്ടറി പി വി നടേശന്, ഓള് കേരള ഗോള്ഡ് ആന്ഡ് സില്വര് മര്ച്ചന്റ്സ് അസോസിയേഷന് ജില്ലാ സെക്രട്ടറി ജോസ് മഠത്തിപ്പറമ്പില് എന്നിവര് വാര്ത്താസമ്മേളനത്തില് പങ്കെടുത്തു.
