ആലപ്പുഴ: കേരള ഇലക്ട്രിക്കല് വയര്മെന് ആന്ഡ് സൂപ്പര്വേസേഴ്സ് അസോസിയേഷന് ജില്ലാ സമ്മേളനം 26, 27 തീയതികളില് എരമല്ലൂര് എന്എസ്എസ് കരയോഗം സപ്തതി മന്ദിരം ഹാളില് നടക്കും. 26ന് രാവിലെ 8.30ന് ജില്ലാ പ്രസിഡന്റ് എം. മുജീബ് റഹ്മാന് പതാക ഉയര്ത്തും. പ്രതിനിധി സമ്മേളനം എ.എം. ആരിഫ് എംഎല്എ ഉദ്ഘാടനം ചെയ്യും. ജില്ലാ പ്രസിഡന്റ് അദ്ധ്യക്ഷത വഹിക്കും. കെ.എച്ച്. മേരിദാസ് സ്വാഗതം പറയും. പി.സി. വിഷ്ണുനാഥ് എംഎല്എ മുഖ്യപ്രഭാഷണം നടത്തും.
27ന് ഉച്ചയ്ക്ക് രണ്ടിന് വിവിധ ഇലക്ട്രിക്കല്-പ്ലംബിങ് കമ്പനി ഉത്പന്നങ്ങളുടെ പ്രദര്ശനോദ്ഘാടനം സംസ്ഥാന ജനറല് സെക്രട്ടറി പി. തമ്പാന് നിര്വഹിക്കും. വൈകിട്ട് നാലിന് പ്രകടനവും അഞ്ചിന് പൊതുസമ്മേളനവും ആരംഭിക്കും. ജില്ലാ പ്രസിഡന്റ് എം. മുജീബ് റഹ്മാന് അദ്ധ്യക്ഷത വഹിക്കും. സംഘടനയുടെ സംസ്ഥാന പ്രസിഡ ന്റും ലൈസിന്സിങ് ബോര്ഡിലെ സി ക്ലാസ് കോണ്ട്രാക്ടര് മെമ്പര് കൂടിയായ വി.എസ്. സജീവന് ഉദ്ഘാടനം ചെയ്യും.
സംസ്ഥാന ജനറല് സെക്രട്ടറി പി. തമ്പാന് മുഖ്യപ്രഭാഷണവും മികച്ച യൂണിറ്റ് പ്രവര്ത്തനത്തിനുള്ള അവാര്ഡ് വിതരണവും നടത്തും. എഴുപുന്ന ഗ്രാമപഞ്ചായത്ത് പ്രസിഡന്റ് സി.എക്സ്. തങ്കച്ചന്, ഗ്രാമപഞ്ചായത്ത് അംഗം എം.കെ. ജോണപ്പന്, മുന് സംസ്ഥാന പ്രസിഡന്റുമാരായ തണ്ടളത്ത് മുരളി, വി. സതീശന്, ജില്ലാ ഖജാന്ജി എ. കുഞ്ഞിക്കോയ തുടങ്ങിയവര് ആശംസാ പ്രസംഗം നടത്തും.
