ഒരു നല്ല മനുഷ്യന്റെ സ്വാഭാവിക ജീവിതം തന്നെയാണ് ആത്മീയത. വിളിക്കുന്ന പേരും ലേബലുകളും പ്രസക്തമല്ല. ഭൗതികമായാലും താഴെപ്പറയുന്ന നിയമങ്ങള് അംഗീകരിച്ചേ തീരു. ആത്മീയപാതയില് ചുവടുറപ്പിച്ചുകൊണ്ട് ജീവിതം അനുനിമിഷം ആനന്ദോത്സവമാക്കിമാറ്റാന് നല്കുന്ന 18 സൂത്രവാക്യങ്ങള്.
1. ആത്മവിശ്വാസം: നിങ്ങളിലെ നിഷേധാത്മക ചിന്തകളെയും സംശയങ്ങളെയും പാടെ ഉപേക്ഷിക്കൂ. നിങ്ങള് നന്മയില് വിശ്വസിക്കൂ. ആത്മവിശ്വാസം ആര്ജ്ജിക്കൂ.
2. കുറ്റപ്പെടുത്തല്: മറ്റുള്ളവരെയും നിങ്ങളെയും കുറ്റപ്പെടുത്തുന്നത് അവസാനിപ്പിക്കൂ. സാഹചര്യങ്ങളില്നിന്നോ, ഉത്തരവാദിത്വങ്ങളില്നിന്നോ രക്ഷപ്പെടാന് വേണ്ടിയാണ് നിങ്ങള് അത് ചെയ്യുന്നത് എന്ന് മനസ്സിലാക്കൂ.
3. പ്രശംസ: മറ്റുള്ളവരെയും നിങ്ങളെയും ഒരുപോലെ പ്രശംസിക്കൂ. നിങ്ങളുടെ ഓരോ പ്രശംസാവചനവും നിങ്ങളെ ദൈവികതയിലേക്ക് കൂടുതല് കൂടുതല് അടുപ്പിക്കുന്നു.
4. ആത്മമാര്ത്ഥത: നിങ്ങളുടെ ചിന്തയും വാക്കും പ്രവൃത്തിയും ആത്മാര്ത്ഥത നിറഞ്ഞതായിരിക്കട്ടെ. നിങ്ങള്ക്ക് സമാധാനവും സന്തോഷവും വേണ്ടത്ര ലഭിക്കുകതന്നെ ചെയ്യും.
5. ഉത്തരവാദിത്വം: ആത്മീയത എന്നാല് സര്വവും വെടിഞ്ഞ് ഉത്തരവാദിത്വങ്ങളില്നിന്നുള്ള ഒളിച്ചോട്ടമല്ല. ഓരോ പ്രവൃത്തിയും തികഞ്ഞ ആത്മാര്ത്ഥതയുടെ നിര്വഹിക്കലാണ് ആത്മീയത.
6. കഴിഞ്ഞുപോയ കാര്യങ്ങള്: നല്ലതും ചീത്തയുമായ എല്ലാ കഴിഞ്ഞ കാര്യങ്ങളും ഒരു സ്വപ്നമായിരുന്നു എന്നറിയുക. അപ്പോള് നിങ്ങള്ക്ക് പൂര്ണ്ണമായും വര്ത്തമാനകാലത്തില് ജീവക്കുവാന് കഴിയും.
7. സഹിഷ്ണുത: വ്യക്തികളുടെ പെരുമാറ്റങ്ങളും സാഹചര്യങ്ങളുടെ സമ്മര്ദ്ദങ്ങളും നിങ്ങളെ വിപരീതാത്മകമായി ബാധിക്കാതിരിക്കട്ടെ. അവരെ എല്ലാ നന്മയോടുംകൂടി സ്വീകരിക്കൂ. ചുറ്റിലും പ്രസാദാത്മകമായ അന്തരീക്ഷം സൃഷ്ടിക്കൂ.
8. മരണം: മരണം അനിഷേധ്യവും അനിവാര്യവും ആണെന്നറിയൂ… നിങ്ങളിലെ ചേതന ഒരിക്കലും നശിക്കുന്നില്ല. അത് അനശ്വരമാണ്.
9. ജീവിതത്തിന്റെ ക്ഷണികത: സാഹചര്യങ്ങളോ വികാരങ്ങളോ വ്യക്തികളോ ഒന്നും സ്ഥിരമല്ല. ഓരോ നിമിഷവും ജീവിതം വ്യത്യസ്തമാണ്. കൂടുതല് ഉത്സാഹത്തോടെ ഈ നിമിഷം ജീവസ്സുറ്റതാക്കൂ.
10. വിശ്വാസം: ഈ പ്രപഞ്ചത്തിലെ സകല ചരാചരങ്ങളുടെയും സൃഷ്ടി, സ്ഥിതി, സംഹാരഭാവങ്ങളില് വിശ്വസിക്കൂ. ഈ ജഗത്തിനെ നിയന്ത്രിക്കുന്ന ശക്തിയില് വിശ്വസിക്കൂ.
11. സൃഷ്ടിയിലെ ഏകാത്മകത: നിങ്ങള് മറ്റൊന്നില്നിന്നും വ്യത്യസ്തനല്ലാ. ഈ പ്രപഞ്ചത്തിലെ ഓരോ തന്മാത്രയും സ്വതന്ത്രവും എന്നാല് സംഘടിതവുമാണ്. ഒന്നിന് മറ്റൊന്നില്നിന്ന് വിട്ടുനില്ക്കാനാവില്ല. എല്ലാം ഈ പ്രപഞ്ചശക്തിയുടെ വിഭിന്ന രൂപങ്ങളും ഭാവങ്ങളും മാത്രമാണ്.
12. പ്രേമവും സമാധാനവും ആണ് നിങ്ങളുടെ സഹജസ്വഭാവം: സമാധാനവും സ്നേഹവും ഒരു ഭാവമല്ല. അത് നിങ്ങള്തന്നെയാണ്. സമാധാനം വിലയ്ക്കുവാങ്ങാവുന്ന ഒന്നല്ല. നിങ്ങള് സ്വയം സ്നേഹമാണെന്നറിയുമ്പോള് സമാധാനം നിങ്ങളുടെ ഓരോ കോശത്തിലും നിറയുന്നത് അനുഭവിച്ചറിയാന് കഴിയും.
13. സംതുലനം: വിശ്രമത്തിനും പ്രവര്ത്തനത്തിനുമിടയില് സന്തുലിതാവസ്ഥ സൂക്ഷിക്കുക. നിങ്ങളുടെ വാക്കുകള്ക്കും മൗനത്തിനുമിടയില് തുലനാവസ്ഥ നിലനിര്ത്തുക. ധ്യാനവും ബോധത്തെ നിരീക്ഷിക്കലും ആണ് ഇതിന് നിങ്ങളെ പ്രാപ്തരാക്കുക.
14. ആത്മാനേ്വഷണം: നിങ്ങളുടെ ശരീരത്തെയും ആത്മാവിനെയും അറിയൂ. നിരീക്ഷിക്കൂ. ഞാന് ആരാണ് എന്ന് സ്വയം ചോദിച്ചുകൊണ്ടിരിക്കൂ. നിങ്ങള് എല്ലാമാണ്. എന്നാല് നിങ്ങള് ഒന്നുമല്ല എന്നറിയൂ.
15. ഡിസ്ഫാഷന് ആന്റ് നാച്യുററ്റി: ഒന്നിനോടും ജ്വരം വച്ചുപുലര്ത്താതിരിക്കൂ. രാജകീയമായി, സ്വതന്ത്രമായി സന്തുഷ്ടമായി ജീവിക്കൂ.
16. സൗന്ദര്യാസ്വാദനം: പ്രപഞ്ചത്തിലെ ഓരോ സൃഷ്ടിയിലും സൗന്ദര്യം ദര്ശിക്കൂ. എന്നുവച്ചാല് അതിനെ സ്വന്തമാക്കാന് ആഗ്രഹിക്കണം എന്നല്ല. സുന്ദരമായതെന്തിലും ഈശ്വരചൈതന്യം കുടികൊള്ളുന്നു. അത് മനസ്സിലാക്കി സ്നേഹിക്കൂ. ബഹുമാനിക്കൂ.
17. ആദരവും ബഹുമാനവും: ആരാധിക്കാനും ആദരിക്കാനും ശീലിക്കൂ. സ്നേഹം മനസ്സിലുള്ള ആള്ക്ക് മാത്രമേ എല്ലാവരെയും ആദരിക്കാന് കഴിയുകയുള്ളൂ.
18. അനശ്വരമായ ജീവന്: ജീവന് അനശ്വരമാണ്. ഓരോ നിമിഷവും അറിഞ്ഞ് ആനന്ദത്തോടെ, നന്മയോടെ ജീവിക്കൂ. ജീവിതം ഒരു ആഘോഷമാക്കി മാറ്റൂ.
