മാരാരിക്കുളം: വൈന് വില്പ്പന നടത്തിയ കേസിലെ പ്രതിയെ അറസ്റ്റ് ചെയ്തതുമായി ബന്ധപ്പെട്ട് നിരപരാധിയായ പോലീസുകാരനെ ക്രൂശിക്കാന് ആസൂത്രിത നീക്കം. കഴിഞ്ഞയാഴ്ചയാണ് വൈന് വില്പ്പന നടത്തിയതിന് മുഹമ്മ നെല്ലിക്കാപ്പള്ളി ദേവസ്യ (68)യെ അറസ്റ്റ് ചെയ്തത്. ഇയാള് റിമാന്ഡിലാണ്. സംഭവദിവസം രാവിലെ ദേവസ്യ അയല്വാസി കൂടിയായ മാരാരിക്കുളം പോലീസ് സ്റ്റേഷനിലെ പോലീസുകാരനെ ഫോണില് ബന്ധപ്പെട്ടിരുന്നു. ഇതിന്റെ പേരിലാണ് പോലീസുകാരനെ കുടുക്കാന് നീക്കം നടത്തുന്നത്. സ്റ്റേഷനിലെ തന്നെ ചില ഉന്നത പോലീസ് ഉദ്യോഗസ്ഥരാണ് ഇതിന് പിന്നിലെന്നും ആക്ഷേപമുണ്ട്. പോലീസ് അസോസിയേഷന് തെരഞ്ഞെടുപ്പുമായി ബന്ധപ്പെട്ട ഭിന്നതയാണ് ഇയാളെ കുടുക്കാനുള്ള നീക്കത്തിന് പിന്നിലത്രെ. അതിനിടെ വൈന് വില്പ്പന നടത്തിയതിന് പിടികൂടിയ ദേവസ്യയെ കേസില് നിന്നൊഴിവാക്കാന് ചില ഉന്നത ജനപ്രതിനിധികള് നീക്കം നടത്തിയിരുന്നുവെങ്കിലും അയല്വാസിയായ പോലീസുകാരനെതിരെ മാത്രം ആരോപണമുയര്ന്നതില് ദുരൂഹതയുണ്ട്.
വൈന് വില്പ്പന; പോലീസുകാരനെ കുടുക്കാന് ആസൂത്രിത നീക്കം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.