നിങ്ങളുടെ ഉള്ളില്, നിങ്ങളുടെ ആദ്ധ്യാത്മികപ്രകൃതി സഫലീകരണമാര്ജിച്ചിരിക്കുന്നുവെങ്കില് പ്രവര്ത്തനങ്ങളുടെ ആവശ്യമില്ല. പ്രവര്ത്തനങ്ങള് ആവശ്യമില്ലെങ്കില് നിങ്ങള്ക്ക് കണ്ണടച്ചങ്ങനെ വെറുതെയിരിക്കാം. ബാഹ്യസാഹചര്യങ്ങള് എന്തെങ്കിലും പ്രവര്ത്തനങ്ങള് ആവശ്യപ്പെടുന്നുവെങ്കില് ആനന്ദത്തോടെ അത് ചെയ്യാം. അതിന്റെ ആവശ്യമില്ലെങ്കില് കണ്ണടച്ച് വെറുതേയിരിക്കാം. യാതൊരു പ്രവര്ത്തനവും അനുഷ്ഠിക്കേണ്ട ആവശ്യം ഇല്ല എന്ന അവസ്ഥയില് എത്തിക്കഴിയുമ്പോള് നമുക്കു പറയാം ആ വ്യക്തി സീമാതീതത്വം ആര്ജിച്ചിരിക്കുന്നുവെന്ന്. അതിനര്ത്ഥം, ഈ വ്യക്തി ജോലിയൊന്നും ചെയ്യുന്നില്ല എന്നല്ല. ബാഹ്യസാഹചര്യങ്ങളാവശ്യപ്പെടുന്നുവെങ്കില് ഇരുപത്തിനാലു മണിക്കൂറും ജോലി ചെയ്യാന് അയാള്ക്കു കഴിയും. പക്ഷേ, അയാളുടെ ആന്തരപ്രകൃതിക്ക് പ്രവര്ത്തനങ്ങളാവശ്യമില്ല. പ്രവര്ത്തനങ്ങളുമായി അയാള് ബന്ധപ്പെട്ടിരിക്കുന്നില്ല. പ്രവര്ത്തനങ്ങള് കാരണമല്ല അയാള് ബന്ധിക്കപ്പെട്ടിരിക്കുന്നില്ല. പ്രവര്ത്തനങ്ങള് കാരണമല്ല അയാള് എന്തെങ്കിലുമായിരിക്കുന്നത്. പ്രവര്ത്തനങ്ങളുടെ അഭാവത്തിലും അയാള് അതുപോലെതന്നെയിരിക്കുന്നു.
