ആലപ്പുഴ: ഉത്തര ചെമ്മീന് എന്ന സിനിമയുടെ ചിത്രീകരണം നിര്ത്തിവയ്ക്കണമെന്ന ധീവരസഭ ജനറല് സെക്രട്ടറി വി ദിനകരന്റെ പ്രസ്താവന അദ്ദേഹത്തിന്റെ അറിവില്ലായ്മയാണ് ചൂണ്ടിക്കാണിക്കുന്നതെന്ന് സംവിധായകന് കോട്ടയം സ്വദേശി ബെന്നി ആശംസ പത്രസമ്മേളനത്തില് പറഞ്ഞു. രാഷ്ട്രീയമായും സാമൂഹികമായും വനവാസത്തില് കഴിയുന്ന ദിനകരന് ഉയര്ത്തെഴുന്നേല്ക്കാനുള്ള ശ്രമമാണ് ഇത്തരം കുല്സിത പ്രവര്ത്തിയിലൂടെ ശ്രമിക്കുന്നതെന്നും സംവിധായകന് കുറ്റപ്പെടുത്തി. തെറ്റായ ആരോപണങ്ങള് ഉന്നയിച്ചതില് അദ്ദേഹം ഖേദം പ്രകടിപ്പിക്കണമെന്ന് ചിത്രത്തിന്റെ തിരക്കഥാകൃത്ത് പി.എസ്. കുമാര് പറഞ്ഞു. ഇത് സമൂഹത്തോട് ചെയ്യുന്ന മികച്ച പ്രവര്ത്തിയായിരിക്കും. സിനിമയുടെ ചിത്രീകരണം പൂര്ത്തിയായതും എഡിറ്റിങ് ജോലികള് കെഎസ്എഫ്ഡിയുടെ ചിത്രാഞ്ജലി സ്റ്റുഡിയോയില് ആരംഭിച്ചതും അദ്ദേഹം ഇതുവരെ അറിഞ്ഞിട്ടില്ല. ചീത്രീകരണം നടന്ന ചേര്ത്തല ഒറ്റമശേരി തൈക്കല് നിവാസികളുടെ സഹകരണം കൊണ്ടുമാത്രമാണ് 30 ദിവസം ചാര്ട്ട് ചെയ്ത സിനിമ 24 ദിവസം കൊണ്ട് പൂര്ത്തിയായതെന്നും ഇരുവരും പറഞ്ഞു.
ദിനകരന്റേത് കുപ്രചരണം നടത്തി വനവാസത്തില് നിന്ന് രക്ഷപ്പെടാനുള്ള ശ്രമം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.