ബോളിവുഡിന്റെ സ്വപ്നനായിക ശ്രീദേവി വീണ്ടും തമിഴകത്തേയ്ക്കെത്തുന്നു. തമിഴ് സിനിമകളില് നിന്നാണ് ശ്രീദേവി ബോളിവുഡിലെത്തുകയും ഏറെനാള് താരറാണിയായി വാഴുകയും ചെയ്തത്. പിന്നീട് വിവാഹശേഷം അഭിനയരംഗത്തുനിന്നും മാറിനില്ക്കുകയും അടുത്തിടെ ഇംഗ്ലീഷ് വിംഗ്ലീഷ് ന്ന ചിത്രത്തിലൂടെ തിരിച്ചുവരവ് നടത്തുകയും ചെയ്തു. ശ്രീദേവിയുടെ രണ്ടാം വരവിലെ രണ്ടാം ചിത്രമാണ് തമിഴകത്ത് ഒരുങ്ങുന്നത്. പതിനഞ്ച് വര്ഷത്തിന് ശേഷമാണ് ശ്രീദേവി തമിഴകത്തേയ്ക്ക് തിരിച്ചെത്തുന്നത് എന്ന പ്രത്യേകതയും ഉണ്ട്.
വിജയ് നായകനാകുന്ന ചിത്രത്തിലാണ് ശ്രീദേവിയുടെ രണ്ടാം മടങ്ങിവരവ്. ശ്രീദേവിയ്ക്കൊപ്പം ബോളിവുഡ് സുന്ദരി ദീപിക പദുകോണും തെന്നിന്ത്യന് താരം ശ്രുതി ഹസ്സനും ചിത്രത്തില് പ്രധാന വേഷങ്ങള് ചെയ്യുന്നുണ്ടത്രെ. വിജയിയുടെ അമ്പത്തിയെട്ടാമത്തെ ചിത്രമാണിത്. ചിമ്പു ദേവനാണ് ഈ ചിത്രം സംവിധാനം ചെയ്യുന്നത്. ശ്രുതിയും ദീപികയും ഇതാദ്യമായിട്ടാണ് വിജയിയ്ക്കൊപ്പം അഭിനയിക്കുന്നത്. രജനീകാന്ത് നായകനായ കൊച്ചടിയാന് ശേഷം ദീപിക ചെയ്യുന്ന തമിഴ് ചിത്രമാണിത്. ഈച്ച എന്ന ചിത്രത്തിലൂടെ ശ്രദ്ധേയനായ സുദീപ് ആണ് ചിത്രത്തില് വില്ലനാകുന്നത്.
