കാലടി: പട്ടികജാതി- പട്ടികവര്ക്ഷ ക്ഷേമ പ്രവര്ത്തകനും മികച്ച സംസ്കൃതഭാഷാ പ്രാചരകനുമുള്ള സംസ്ഥാനതല ആഗമാനന്ദ പുരസ്കാരങ്ങള്ക്കുള്ള അപേക്ഷകള് ക്ഷണിച്ചു. ആഗമാനന്ദ സ്വാമി സ്മാരക സമിതിയാണ് പുരസ്കാരം നല്കുന്നത്. പട്ടികജാതി പട്ടികവര്ക്ഷ ഉന്നമനത്തിന് സംഭാവനകള് നല്കിയിട്ടുള്ള ഈ വിഭാഗങ്ങളില് നിന്നുള്ള സാമൂഹിക പ്രവര്ത്തകരെയാണ് അവാര്ഡിനായി പരിഗണിക്കുക. വ്യക്തികള്, സംഘടനകള്, സര്വ്വകലാശാലകള് എന്നിവര്ക്ക് ഉചിതമായ അപേക്ഷകള് നല്കാവുന്നതാണ്.
സംസ്കൃത ഭാഷയുടെ പ്രചരണത്തിനുവേണ്ടി ക്രിയാത്മകമായ പ്രവര്ത്തനങ്ങള് കാഴ്ചവച്ചവര്ക്കാണ് സംസ്കൃത പ്രചാരകനുള്ള അവാര്ഡ് നല്കുന്നത്. സാമൂഹിക പരിഷ്കര്ത്താവും കാലടി ശ്രീരാമകൃഷ്ണ അദ്വൈതാശ്രമത്തിന്റെ സ്ഥാപകനുമായ ആഗമാനന്ദ സ്വാമികളുടെ ജയന്തിയോടനുബന്ധിച്ചാണ് അവാര്ഡുകള് നല്കുക.
പട്ടികജാതി- പട്ടികവര്ക്ഷ ക്ഷേമ പ്രവര്ത്തനം സംസ്കൃതഭാഷാ പ്രചരണം എന്നീ മേഖലകളില് സ്വാമികള് നല്കിയ സംഭാവനകള് പരിഗണിച്ചാണ് പുരസ്കാരങ്ങള് ഏര്പ്പെടുത്തിയിട്ടുള്ളത്. വിശദമായ ബയോഡാറ്റ പ്രൊഫ. പി.വി. പീതാംബരന്, സെക്രട്ടറി , ആഗമാനന്ദസ്വാമി സ്മാരക സമിതി, ആഗമാനന്ദ ഹാള്, എസ്എസ്ഡി, കാലടി 683574 എന്ന വിലാസത്തില് ആഗസ്റ്റ് 20 നകം എന്ട്രികള് അയക്കണം. ഫോണ് 9447526677.
