വിശ്വാമിത്ര വിദ്യകള്!
താടകാവധത്തില് സംപ്രീതനായ വിശ്വാമിത്ര മഹര്ഷി രാമലക്ഷ്ണന്മാര്ക്കായി ഉപദേശിച്ച അസ്ത്രങ്ങളും ആയുധങ്ങളും ഏതൊക്കെയെന്ന് വാല്മീകി രാമായണത്തില് പറയുന്നുണ്ട്. അവയില് പ്രധാനപ്പെട്ടവ നോക്കുക:
ചക്രങ്ങള്: ദണ്ഡചക്രം, ധര്മചക്രം, കാലചക്രം, ദേവചക്രം.
അസ്ത്രങ്ങള്: ഇന്ദ്രാസ്ത്രം, വജ്രാസ്ത്രം, പാശുപതാസ്ത്രം, ബ്രഹ്മശിരസ്സ്, ഐഷികാസ്ത്രം, ബ്രഹ്മാസ്ത്രം.
മഹാസ്ത്രങ്ങള്: വൈദ്യാധരം, നന്ദനം, ദയിതം, ഗാന്ധര്വം, മാനവം, ദര്പ്പണം, ശോഷണം, മാദനം, സന്താപനം, വിലാപനം, പ്രസ്വാപനം, പ്രശമനം, പൈശാചം, മോഹനം, സൗരം, അസിരത്നം.
ദിവ്യാസ്ത്രങ്ങള്: സത്യം, മായാധരം, സോമം, ശിശിരം, ത്വാഷ്ട്രം, പിനാകം, നാരായണം, ആഗ്നേയം, ശിഖരം, വായവ്യം, പ്രഥനം, ഹയശിരസ്സ്, ക്രൗഞ്ചം….
ആയുധങ്ങള്: താമസം, സൗമനം, സംവര്ത്തം, മൗസലം, കങ്കാളം, കപാലം, കങ്കണം എന്നിവ കൂടാതെ മോദകി, ശിഖരി എന്നീ ഗദകള്.
പാശങ്ങള്: വരുണപാശം, ധര്മപാശം, കാലപാശം എന്നിവയ്ക്കൊപ്പം ശുഷ്കവും ആര്ദ്രവുമായ രണ്ടു അശനികള്, രാക്ഷസന്മാരെ ഉന്മൂലനാശം ചെയ്യുന്ന രണ്ടു ശക്തികള്…..
ഇവ മിക്കതും വിശ്വാമിത്രന് തപസ്സു ചെയ്തു ശിവനില്നിന്ന് നേടിയിട്ടുള്ളതും മുമ്പ് വസിഷ്ഠനുമായുള്ള യുദ്ധത്തില് പ്രയോഗിച്ചിട്ടുള്ളതുമാണ്. ഒറ്റപ്പെട്ട ഏറ്റുമുട്ടലുകളിലും രാമ-രാവണ യുദ്ധത്തിലുമെല്ലാം രാമലക്ഷ്മണന്മാര് ഇവയാണ് ഉപയോഗപ്പെടുത്തുന്നത്.
ത്രേതായുഗത്തിലെ ആയുധസമുച്ചയവും സന്ദര്ഭോചിതമായ പ്രയോഗവിദ്യയും ഇതിലൂടെ സൂചിതമാകുന്നു. പല പേരുകളും ശ്രദ്ധിക്കപ്പെടേണ്ടവയാണ്; പ്രതീകങ്ങളുമാണ്. സത്യം, ധര്മം, മാനവം എന്നിങ്ങനെയുള്ള ഗുണവിശേഷങ്ങളും കാണുന്നുവല്ലോ ആയുധപ്പട്ടികയില്!
..തുടരും
(ഫോണ്: 9388414034)
പി.ഐ.ശങ്കരനാരായണന്
