ചോറ്റാനിക്കര: രാമായണപുണ്യം നുകര്ന്ന് കര്ക്കിടകമാസം ആചരിക്കുന്നതിന് ചോറ്റാനിക്കര ഭഗവതി ക്ഷേത്രം ഒരുങ്ങി. ഒരു മാസം നീണ്ടുനില്ക്കുന്ന പരിപാടികളുടെ ഉദ്ഘാടനം ജൂലൈ 16ന് വൈകിട്ട് 6ന് കൊച്ചിന് ദേവസ്വം ബോര്ഡ് പ്രസിഡന്റ് എം.പി.ഭാസ്കരന് നായര് നിര്വഹിക്കും. ബോര്ഡംഗം ഇ.എ.രാജന് അദ്ധ്യക്ഷത വഹിക്കും. 4.30ന് ചോറ്റാനിക്കര കള്ച്ചറല് റേഡിയോ ക്ലബിന്റെ അദ്ധ്യാത്മരാമായണം കാവ്യകേളി, സമ്മേളനാന്തരം പെരുമ്പിള്ളി കേശവന് നമ്പൂതിരിയുടെ നേതൃത്വത്തില് ശ്രീമദ് ഭാഗവതസപ്താഹ മാഹാത്മ്യപാരായണം എന്നിവയും നടക്കും. 17 മുതല് 23 വരെ ശ്രീമദ് ഭാഗവത സപ്താഹയജ്ഞം രാവിലെ 6 മുതല് വൈകിട്ട് 6 വരെ ഉണ്ടായിരിക്കും. 24ന് ഗോപീവാര്യരുടെ സമ്പൂര്ണ്ണരാമായണപാരായണം 26ന് ആലപ്പാട്ട് അമ്മിണിയമ്മയുടെ നേതൃത്വത്തില് ശ്രീമദ് ദേവിഭാഗവതനവാഹം, ആഗസ്റ്റ് 4ന് രാമായണസപ്താഹം (വി.എം. പ്രഭാവതി അമ്മ), 11 മുതല് വടക്കേമഠം വിജയവര്ദ്ധനന്റെ സപ്താഹം എന്നിവ കുടാതെ അദ്ധ്യാത്മീക പ്രഭാഷണങ്ങള്, നൃത്തനൃത്യങ്ങള്, കാര്ത്തിക നാമജപം, അഷ്ടദ്രവ്യഗണപതിഹോമം, നിറമാല വിളക്കുവെയ്പ്പ്, ശര്ക്കരനിവേദ്യം, മണ്ഡപത്തില്പാട്ട്, വിശേഷാല് പൂജകള്, പ്രസാദ ഊട്ട് എന്നിവയുണ്ടായിരിക്കും. സമാപനത്തോടനുബന്ധിച്ച് ഗീത ചൊല്ലല്, രാമായണ പാരായണം, അക്ഷരശ്ലോകം മത്സരങ്ങള് കുട്ടികള്ക്കായി ആഗസ്റ്റ് 15ന് രാവിലെ 10 മുതല് നടക്കും. സമാപനദിവസം വൈകിട്ട് 4.30ന് പ്രശസ്തകവികള് സ്വന്തം ഭക്തികവിതകള് അവതരിപ്പിച്ചുകൊണ്ടുള്ള ഭക്തികാവ്യസദസ്സ് പ്രഫുല്ലന് തൃപ്പൂണിത്തുറയുടെ അദ്ധ്യക്ഷതയില് നടക്കും. നാലമ്പലദര്ശനത്തിന് പോകുന്ന ഭക്തജനങ്ങള്ക്ക് ക്ഷേത്രത്തില് ഉച്ചയ്ക്ക് ഭക്ഷണത്തിനും വിശ്രമത്തിനും സൗകര്യമൊരുക്കിയിട്ടുണ്ട്.
പ്രതികരിക്കാൻ ഇവിടെ എഴുതുക: