ഇങ്ങനെ അനേകംസന്ദര്ഭങ്ങളില് സത്യം നിറഞ്ഞ വനായും ധര്മത്തെ പൂര്ണമാക്കുന്നവനായും ഭഗവാന് പെരുമാറുന്നതുകാണാം. കര്മമായും കര്മഫലമായും മോക്ഷമായും ബന്ധമായും യാഗമായും ജ്ഞാനമായും സമൂഹജീവിതത്തെയും വ്യക്തിജീവിതത്തെയും ഭഗവാന് പോഷിപ്പിക്കുന്നതിനാല് ഋതംഭരന് എന്ന് ഭഗവാന് ഉചിതമായ നാമമുണ്ടായി.
406. ഋതുധരഃ – ഋതുക്കളെ ധരിക്കുന്നവന്. ഋതു കാലത്തിന്റെ ഒരു തോതാണ്. കാലാവസ്ഥയുടെ വ്യത്യാസമനുസരിച്ച് ശരത്ത്, ഹേമന്തം, ശിശിരം, വാസന്തം, ഗ്രീ ഷ്മം, വര്ഷം എന്നിങ്ങനെ പലതായി കാലത്തെ വേര്തിരിക്കാം. ഏതെങ്കിലും പ്രവൃത്തിക്ക് യോജിച്ച കാലഘട്ടത്തെയും ഋതു എന്നുപറയാം. ഋതുക്കളെ ധരിക്കുന്നവന് എന്ന പ്രയോഗം ഗുരുവായൂരപ്പനെ കാലരൂപിയായി അവതരിപ്പിക്കുന്നു. ‘ഋതുധരഃ’ എന്ന പദം സൂര്യഭഗവാനെ പരാമര്ശിക്കാനും ഉപയോഗിക്കാറുണ്ട്. ഭൂമിയില് ജീവിക്കുന്ന നമുക്ക് കണ്ടറിയാവുന്ന രീതിയില് കാലത്തെ നിയന്ത്രിക്കുന്നത് സൂര്യദേവനാണല്ലോ.
(തുടരും)
ഡോ. ബി.സി.ബാലകൃഷ്ണന്
