399. സമാനഃ – പഞ്ചപ്രാണന്മാരില് ഒന്ന്, സമാനന് ശരീരത്തിന്റെ നാഭിയില് സ്ഥിതിചെയ്ത് ഭക്ഷണപദാര്ത്ഥങ്ങളെ ദഹിപ്പിച്ച് ശരീരത്തിന്റെ വിവിധഭാഗങ്ങളില് എത്തിക്കുന്നു. ഈ പ്രാണനെ ഭഗവാന്റെ ഒരു രൂപമായി നാമം വാഴ്ത്തുന്നു.
400. ജീവമൃത്യു വിഭാജകഃ – ജീവിതത്തെയും മരണത്തെയും വേര്തിരിച്ചവന്
ജീവിതത്തെയും മരണത്തെയും കുറിച്ച് എല്ലാവര്ക്കും സാമാന്യ ജ്ഞാനമുണ്ട്. രണ്ടിനെക്കുറിച്ചും മിക്കവരും അജ്ഞരാണെന്നതാണ് സത്യം. മാതൃഗര്ഭത്തില്നിന്നു ശരീരം പുറത്തുവരുന്നതിനെ ജന്മമെന്നും ശരീരം നിശ്ചേതനമാകുന്നതിനെ മരണമെന്നുമാണ് സാധാരണയായി പറയാറുണ്ട്. ജനനവും മരണവും ജീവന്റെ യാത്രയിലെ രണ്ടു ഘടകങ്ങള് മാത്രമാണ്. ഉത്പത്തിയും നാശവുമല്ല, എന്ന സത്യവും ഏവര്ക്കുമറിയാം. പഴകി ഉപയോഗമില്ലാതായ ശരീരമുപേക്ഷിച്ച് ജീവന് പുതിയ ഒരു ശരീരം സ്വീകരിക്കുന്നതിനെ ജന്മമെന്നും പറയാറുള്ളത് മിഥ്യാബോധം കൊണ്ടാണ്. ജീവന് അതിന്റെ ഉത്ഭവസ്ഥാനമായ പരമാത്മാവില് ലയിക്കുന്നതിനെ മരണമെന്നു പറയുന്നതു മെച്ചം. പക്ഷേ ശരീരവുമായി ബന്ധപ്പെടുത്തിയേ ജനന മരണങ്ങളെക്കുറിച്ചു ചിന്തിക്കാന് നമുക്കു കഴിയുന്നുള്ളൂ. ശരീരോത്പത്തിയാണു ജന്മമെന്നും ശരീരനാശമാണ് മരണമെന്നുമുള്ള ബോധം നമ്മുടെയുള്ളില് ഉറപ്പിച്ചത് ഗുരുവായൂരപ്പന്റെ യോഗമായയാണെന്നറിഞ്ഞ് ഭഗവാനെ ജന്മമൃത്യുവിഭാജകനായി സ്തുതിക്കുന്നു.
(തുടരും)
ഡോ. ബി.സി.ബാലകൃഷ്ണന്
