ടെലിവിഷനും സിനിമകളും ഇന്ന് ഉഗ്രവിഷം ചീറ്റുന്ന സമര്പ്പങ്ങളെപ്പോലെ. നീ അവരുടെ ഇരയായിത്തീരുന്നു. അത് നിന്റെ, മനസ്സിലാക്കാനും കാണാനും ചിന്തിയ്ക്കാനും ഉള്ള ശക്തിയെ മന്ദീഭവിപ്പിക്കുന്നു. നിന്റെ ചുറ്റിനും ഒരു മറ സൃഷ്ടിച്ച്, നിന്നെ വഴിതെറ്റിയ്ക്കുന്നു. നിന്റെ ചിന്തകളും വാക്കുകളും ചേഷ്ടകളും, അതിന്റെ സ്വാധീനത്തിലകപ്പെടുന്നു. അതില് കാണുന്ന ഹിംസാത്മക ദൃശ്യങ്ങളും, കേള്ക്കുന്ന ദുര്ഭാഷണങ്ങളും നിന്റെ മനസ്സില് ദുഷപ്രഭാവം ചെലുത്തുന്നു. നിന്നെ വ്യര്ത്ഥനായ, ഒന്നിനും കൊള്ളാത്ത അശക്തനായ മനുഷ്യനാക്കിത്തീര്ക്കുന്നു. ഇന്നത്തെ യുവാക്കന്മാര് നാളത്തെ നേതാക്കന്മാരാണ്. അക്രമാസക്തമായ മനസ്സോടെ ഇവര് എങ്ങനെ രാജ്യത്തെ നയിക്കും? ഇവരില് നിന്നും നിര്മ്മാര്ജ്ജനം ചെയ്യേണ്ട സ്വഭാവങ്ങളില് ഒന്നാമത്തേത്, ഇവരില് നിന്നും നിര്മ്മാര്ജ്ജനം ചെയ്യേണ്ട സ്വഭാവങ്ങളില് ഒന്നാമത്തേത്, ഇവരെ അടിമകളാക്കിയിരിക്കുന്ന ദുഃസ്വഭാവങ്ങളാണ്. എന്നെ വിശ്വസിക്കൂ. ഇതൊന്നുമില്ലാതെയാണ് നിങ്ങള് ജനിച്ചത്. അതുകൊണ്ടുതന്നെ ഇതൊന്നുമില്ലാതെ തീര്ച്ചയായും നിങ്ങള്ക്ക് ജീവിക്കുകയും ചെയ്യാം. നിങ്ങള് ഈ ദുഃസ്വഭാവങ്ങള്ക്കെതിരെ പോരാടുവാന് ഞാന് ആവശ്യപ്പെടുന്നു. നിങ്ങള് ദുഃസ്വഭാവങ്ങളെല്ലാം ത്യജിച്ച് പുതിയ പാതയില് കൂടെ നടക്കാന് ദൃഢനിശ്ചയമെടുക്കൂ. എനിക്ക് നിന്റെ മാര്ഗ്ഗദര്ശിയാകാന് സാധിക്കും, എനിക്ക് നിങ്ങളെ നയിക്കാനും സാധിക്കും. പക്ഷേ, നിനക്കുവേണ്ടി നടക്കാന് എനിക്ക് സാധിക്കില്ല. നിന്റെ മനസ്സിനെ സ്വസ്ഥമായും ദൃഢമായും സൂക്ഷിക്കൂ. കാരണം മനസ്സ് രോഗാതുരമായാല്, നിനക്ക് നിന്നെയും ഈശ്വരനെ തന്നെയും നഷ്ടപ്പെടും.
– ശ്രീ സത്യസായി ബാബ
