കൊച്ചി: തെരുവ്നായ്ക്കളെ ഇല്ലായ്മ ചെയ്യാന് നഗരസഭകള് സ്വീകരിച്ച നടപടികളെക്കുറിച്ച് വിശദമായ റിപ്പോര്ട്ട് നല്കാന് നഗരസഭാ സെക്രട്ടറിമാരോട് മനുഷ്യാവകാശ കമ്മീഷന് ആവശ്യപ്പെട്ടു. കൊച്ചി നഗരസഭാ കൗണ്സിലര് തമ്പി സുബ്രഹ്മണ്യന് സമര്പ്പിച്ച പരാതിയെതുടര്ന്നാണ് കമ്മീഷന്റെ ഉത്തരവ്. മെയ് 15 നകം റിപ്പോര്ട്ട് സമര്പ്പിക്കാനാണ് കമ്മീഷന് ആവശ്യപ്പെട്ടിരിക്കുന്നത്. കഴിഞ്ഞ അഞ്ച് വര്ഷത്തിനുള്ളില് തെരുവ്നായ് ശല്യം ഇല്ലാതാക്കാന് എന്തൊക്കെ നടപടി സ്വീകരിച്ചു, എത്ര തുക ചെലവാക്കി, ഇനി എന്തെല്ലാം കാര്യങ്ങള് ചെയ്യാന് ഉദ്ദേശിക്കുന്നുവെന്ന കാര്യവും റിപ്പോര്ട്ടില് സൂചിപ്പിക്കണം. ഇത് സംബന്ധിച്ച് പൊതുജനങ്ങള്ക്കും സംഘടനകള്ക്കും അവരുടെ അഭിപ്രായങ്ങള് അറിയിക്കാമെന്നും കമ്മീഷന് അറിയിച്ചിട്ടുണ്ട്.
നഗരത്തിലെ ജലദൗര്ലഭ്യം, മാലിന്യനിര്മാര്ജനം, കൊതുകുശല്യം ഇവ പോലെതന്നെ പ്രാധാന്യം അര്ഹിക്കുന്ന വിഷയമാണ് തെരുവ്നായശല്യമെന്നും കമ്മീഷന് വിലയിരുത്തി.
