നമദ്ദേവവൃന്ദം ലസദ്വേദകന്ദം
ശിരഃ ശ്രമദിന്ദും ശ്രീതശ്രീമുകുന്ദം
ബൃഹച്ചാരുശുണ്ഡം സ്തുതശ്രീസനന്ദം
ജടാഹീന്ദ്രകുണ്ടം ഭജേളഭീഷ്ടസന്ദം
കിലദ്ദേവഗോത്രം കനദ്ധേമഗാത്രം
സദാനന്ദമാത്രം മഹാഭക്തമിത്രം
ശരച്ചന്ദ്രവക്ത്രം ത്രയീപൂതപാത്രം
സമസ്താര്ത്തിദാത്രം ഭജേ ശക്തിപുത്രം
ഗളദ്ദാനമാലം ചലദ്ഭോഗിമാലം
ഗളാംഭോദകാലം സദാ ദാനശീലം
സുരാരാതികാലം മഹേശാത്മബാലം
ലസത്പുണ്ഡറഫാലം ഭജേ ലോകമൂലം
ഉരസ്താരഹാരം ശരച്ചന്ദ്രഹീരം
സുരശ്രീവിചാരം ഹൃതാര്ത്താരിഭാരം
കുടേ ദാനപൂരം ജടാഭോഗിപൂരം
കലാബിന്ദുതാരം ഭജേ ശൈവവീരം.
കരാരൂഢമോക്ഷം വിപദ്ഭങ്ഗദക്ഷം
ചലത്സാരസാക്ഷം പിരാശക്തിപക്ഷം
ശ്രീതാമര്ത്ത്യവൃക്ഷം സുരാരിദ്രുതക്ഷം
പരാനന്ദപക്ഷം ഭജേ ശ്രീവാക്ഷം.
സദാശം സുരേശം സദാ പാതുമീശം
നിദാനോദ്ഭവം ശാങ്കരപ്രേമകോശം
ധൃതശ്രീനിശേശം ലസദ്ദന്തകോശം
പലച്ഛുലപാശം ഭജേ കൃത്തപാശം.
തതാനേകസന്തം സദാ ദാനവന്തം
ബുധശ്രീകരന്തം ഗജാസ്യം വിഭാന്തം
കരാത്മീയദന്തം ത്രിലോകൈകവൃന്തം
സുമന്ദം പരന്തം ഭജേളഹം ഭവന്തം
ശിവപ്രേമപിണ്ഡം പരം സ്വര്ണവര്ണം
ലസദ്ദന്തഖണ്ഡം സദാനന്ദപൂര്ണം
വിവര്ണപ്രഭാസ്യം ധൃതസ്വര്ണഭാണ്ഡം
ചലച്ചാരുശുണ്ഡം ഭജേ ദന്തിതുണ്ഡം.
– ശ്രീനാരായണ ഗുരുദേവന്
