കൊച്ചി: ബിജെപി എറണാകുളം പാര്ലമെന്റ് മണ്ഡലം സ്ഥാനാര്ത്ഥി എ.എന്. രാധാകൃഷ്ണന് തൃപ്പൂണിത്തുറ പാര്ലമെന്റ് മണ്ഡലത്തിലെ പര്യടനം പൂര്ത്തിയാക്കി. ഇന്നലെ രാവിലെ മരട് കൊട്ടാരം ജംഗ്ഷനിലാണ് തൃപ്പൂണിത്തുറ മണ്ഡലത്തിലെ രണ്ടാം ഘട്ട പര്യനടത്തിന് തുടക്കം കുറിച്ചത്. ജില്ലാ സെക്രട്ടറി അജിത് കുമാര് പര്യടനം ഉദ്ഘാടനം ചെയ്തു. സരളാ പൗലോസ്, സഹജാ ഹരിദാസ്, സജിനി രവികുമാര്, ഇ.എസ്. പുരുഷോത്തമന്, വിജയകുമാര് , മധുസൂദനന്, സുധീഷ് തുടങ്ങിയവര് നേതൃത്വം നല്കി. മരട് മുനിസിപ്പാലിറ്റി, പനങ്ങാട്, കുമ്പളം പ്രദേശങ്ങളിലായിരുന്നു ഇന്നലെ പര്യടനം നടത്തിയത്, രാത്രി എട്ട് മണിയോടെ പളളുരുത്തി വെളിയില് സ്ഥാനാര്ത്ഥി പര്യടനം സമാപിച്ചു.
എ.എന്. രാധാകൃഷ്ണന്റെ എറണാകുളം നിയോജകമണ്ഡലത്തിലെ രണ്ടാംഘട്ട പര്യടനം പുന്നയ്ക്കലില് സമാപിച്ചു. സമാപനസമ്മേളനം ജില്ലാ വൈസ് പ്രസിഡന്റ് കെ.പി. രാജന് ഉദ്ഘാടനംചെയ്തു.
പൊറ്റക്കുഴി ജംഗ്ഷനില്നിന്നും നൂറുകണക്കിന് ബൈക്കുകളുടെയും ബാന്റ്മേളം, ചെണ്ടമേളം എന്നിവയുടെ അകമ്പടിയോടെ സ്വീകരിച്ചു. എളമക്കര ഏരിയയിലെ വിവിധ പ്രദേശങ്ങളിലെ ഊഷ്മളമായ സ്വീകരണങ്ങള്ക്കുശേഷം പുതുക്കലവട്ടത്തുനിന്നും കാവടി, ശിങ്കാരിമേളം ഉള്പ്പെടെയുള്ള താളവാദ്യങ്ങളോടെ സ്ഥാനാര്ത്ഥിയെ പുന്നയ്ക്കലിലേക്ക് ആനയിച്ചു.
നിയോജകമണ്ഡലം പ്രസിഡന്റ് കെ.എസ്. സുരേഷ്കുമാര്, മേഖലാ സെക്രട്ടറി കെ.എസ്. രാജേഷ്, കൗണ്സിലര് സുധ ദിലീപ്, പുതുക്കലവട്ടം ബാലചന്ദ്രന്, പ്രകാശ്അയ്യര്, കെ.എസ്. ദിലീപ്കുമാര്, പി.ജി. മനോജ്കുമാര്, പി.എസ്. ഷാജീവന്, യു.ആര്. രാജേഷ്, ഇ.എസ്. പുരുഷോത്തമന്, കെ. ശിവരാമന്, എ. പ്രശാന്ത്കുമാര്, വി. ഉപേന്ദ്രനാഥപ്രഭു, പ്രഭ ഗോപാലകൃഷ്ണന്, പി.കെ. രാജന് തുടങ്ങിയവര് വിവിധ സ്വീകരണയോഗങ്ങളില് പ്രസംഗിച്ചു.
