ഭൂമിയുടെ ചില ഭാവങ്ങളില് അതിവൃഷ്ടി ഉണ്ടാകുന്നു. മറ്റ് ചില ഭൂഭാഗങ്ങളില് വല്ലപ്പോഴും മാത്രം വൃഷ്ടി ഉണ്ടാകുന്നു. ചില ഭൂഭാഗങ്ങള്ക്ക് നിലനില്പിനും ഉല്പ്പാദനത്തിനും അതിവൃഷ്ടി ആവശ്യമുണ്ട്. ഇനിയും ചില ഭൂവിഭാഗങ്ങളില് കൃഷിക്ക് ചെറിയമഴ മതി. മറ്റു ചില ഭൂവിഭാഗങ്ങളില് കനത്ത മഴകൊണ്ട് വെള്ളപ്പൊക്കമുണ്ടാകുന്നില്ല. ഭൂമി വേണ്ടത്ര ജലത്തെ ആഗിരണം ചെയ്ത് ബാക്കി ജലം ചെരിഞ്ഞ പ്രതലത്തിലൂടെ ഒഴുക്കിക്കളയുന്നു. മറ്റു ഭാഗങ്ങളില് പേമാരിയാല് വെള്ളം കെട്ടിനിന്ന് കൃഷി നാശം വരുത്തുന്നു. ഈ വര്ഷപാതത്തെ ഞാന് ചൊരിയുന്ന അനുഗ്രഹവര്ഷവുമായി താതമ്യപ്പെടുത്തൂ. കുറച്ചുപേര്ക്ക് എന്റെ അനുഗ്രഹവര്ഷം വളരെ കൂടുതല് ലഭിക്കുന്നു.
മറ്റുചിലര്ക്ക് വല്ലപ്പോഴും ലഭിക്കുന്നു. കുറച്ചുപേര്ക്ക് ഈശ്വരാഭിമുഖമാകാന് എന്റെ നിരന്തരമായ കൃപ ആവശ്യം. വേറെ ചിലര് വളരെക്കുറിച്ച് കൃപ നേടി കുതിച്ചു ചാടി എന്റടുത്ത് എത്തുന്നു. കുറച്ചുപേര്ക്ക് ഞാന് എന്റെ കൃപ സമൃദ്ധമായി വര്ഷിച്ചാലും അവര്ക്ക് ‘അഹ’ങ്കാരം തീര്ച്ചയായും ഉണ്ടാകുന്നില്ല. ഗര്വ്വ് അവരെ ലേശംപോലും ബാധിക്കുന്നില്ല. കുറച്ചുപേരാകട്ടെ, വളരെയധികം കൃപ ഞാന് ചൊരിഞ്ഞാലും മുന്നോട്ടുള്ള ആത്മീയ യാത്രയില് ഈ കൃപ ഉപയോഗിക്കുന്നില്ല. പകരം ‘അഹ’ങ്കാരവും ഗര്വ്വും അവരെ ഭരിക്കുന്നു. ആത്മീയയാത്രയില് യാതൊരു മുന്നേറ്റവും അവര്ക്കുണ്ടാകുന്നില്ല. ഓരോരുത്തര്ക്കും ആവശ്യമുള്ളതുമാത്രം ഞാന് കൊടുക്കുന്നു. ആത്മീയ പൂരോഗതിയ്ക്കുവേണ്ടത് മാത്രമേ ഞാന് നല്കുന്നുള്ളു. എന്റെ അനുഗ്രഹം തിരിച്ച് നിന്റെ എന്നിലേക്കുള്ള യാത്രയില് ഒരു തടസമാകാന് ഞാനാഗ്രഹിക്കുന്നില്ല.
– ശ്രീ സത്യസായി ബാബ
