ധനത്തിന്റെ ആവശ്യകത നേരിടുമ്പോള് നീ വളരെ പെട്ടെന്ന് പ്രതികരിക്കുന്നു. അതിനുവേണ്ടി മെയിലുകള് ഓടാനും നിനക്ക് മടിയില്ല. ധനം കാംക്ഷിച്ച് ചിലപ്പോള് അതിനെ ആരാധിക്കുകയും അതിന്റെ അടിമയാകുകയും ചെയ്യുന്നു. ഇന്ന്, ധനവാന്മാര് ദുഃശ്ശീലങ്ങളില് ധനികരാകുന്നു. ആദ്ധ്യാത്മിക നേട്ടങ്ങളില് അവര് ദരിദ്രരും ആകുന്നു. ക്രമരഹിതമായ ജീവിതചര്യയും കൂടുതല് ധനം സമ്പാദിക്കാനുള്ള വ്യഗ്രതയും കാരണം ധനാഢ്യരെ രോഗങ്ങള് വേട്ടയാടുന്നു.
ദരിദ്രരാണെങ്കില്, ആവശ്യത്തിനുവേണ്ട ധനം പോലുമില്ലാത്തതുകാരണം അവര് കൂടുതല് ചിന്താഗ്രസ്തരാവുകയും അനാരോഗ്യപരമായ ചുറ്റുപാടുകളാലും, പോഷകാഹാരക്കുറവിനാലും അവരും രോഗങ്ങള്ക്ക് വിധേയരാകുന്നു. നീ തന്നെയാണ് നിന്റെ യജമാനന്. ഈ അടിമത്തത്തിന് വിരാമമിടാന് നിനക്കുതന്നെ സാധിക്കും. സ്വയം നിയന്ത്രിച്ച് യഥാര്ത്ഥ സമ്പത്തിനുവേണ്ടി പ്രയത്നിക്കൂ. എന്റെ ദിവ്യപ്രേമത്താല് നിനക്ക് നല്കപ്പെട്ട സന്ദേശത്തെ മനസ്സിലാക്കൂ, പ്രതികരിക്കൂ. നീ സത്വരം പ്രതികരിച്ചാല് എന്റെ കൃപാവര്ഷവും സത്വരമായിരിക്കും.
– ശ്രീ സത്യസായിബാബ
