254. ഗോപാലഃ – ഗോക്കളെ പാലിക്കുന്നവന്. ഇടയന്.
255. ഗോവത്സപാലഃ – പശുക്കിടാങ്ങളെ പാലിക്കുന്നവന്റെ പശുക്കളെയും പശുക്കുട്ടികളെയും പാലിക്കുന്നവന് എന്നും വ്യാഖ്യാനിക്കാം. ഈ അവതാരത്തില് ബാല്യവും കൗമാരവും പശുക്കുട്ടികളോടും പശുക്കളോടും ഇടയക്കുട്ടികളോടും ചേര്ന്നാണ് ഭഗവാന് കഴിച്ചുകൂട്ടിയത്.
256. ബാലലീലാവിലാസിതഃ – കുട്ടിക്കളികള് കൊണ്ട് ശോഭിച്ചവന്. ഗുരുവായൂരപ്പന്റെ അവതാരകഥകളില് ശ്രീകൃഷ്ണന്റെ ബാലലീലകള് പോലെ ആകര്ഷകമായി മറ്റൊന്നുമില്ല. രാമാവതാരത്തില് ബാലലീല ഒരു മിന്നലാട്ടം പോലെ കാണാം. ബലരാമന്റെയും ശ്രീകൃഷ്ണന്റെയും കുട്ടിക്കളികള് വിശ്വസാഹിത്യത്തിലെ മികച്ച സൃഷ്ടികളാണ്.
61. ക്ഷീരചോരാ ദധിചോരോ ഗോപസ്ത്രീ ഹൃദയചോരഃ
ഘനശ്യാമശ്ച മായൂരപിഞ്ഛാഭൂഷിത ശീര്ഷകഃ
257. ക്ഷീരചോരഃ – പാല് മോഷ്ടിക്കുന്നവന്
258. ദധിചോരഃ – തൈര് മോഷ്ടിക്കുന്നവന്
ബാലക്രീഡയുടെ ഭാഗമായി ഗുരുവായൂരപ്പന് കുറേശ്ശെ മോഷണവും തുടങ്ങി. പാലിന്റെയും തൈരിന്റെയും കാര്യമേ ഇവിടെ പറഞ്ഞുള്ളൂവെങ്കിലും വെണ്ണയും നെയ്യും പലഹാരങ്ങളുമൊക്കെ മോഷ്ടിച്ചവസ്തുക്കളുടെ കൂട്ടത്തില് വസ്തുവെന്ന് പറയാനാകാത്ത ചിലതും മോഷ്ടിച്ചിരുന്നു. അവയെക്കുറിച്ച് അടുത്ത നാമത്തില് പറയും. ഭഗവാന്റെ മോഷണത്തെ അവതരിപ്പിക്കുമ്പോള് നാരായണീയകാരന് “ദധിഘൃതമഹരസ്ത്വം ചാരുണാ ചോരണേന (മനോഹരമായ മോഷണം കൊണ്ട് നിന്തിരുവടി പാലും നെയ്യും കവര്ന്നു). മനോഹരമായ മോഷണം ഭഗവാന്റെ ബാലലീലയിലല്ലാതെ മേറ്റ്വിടെ കാണാന് കഴിയും?
(തുടരും)
ഡോ. ബി.സി.ബാലകൃഷ്ണന്
