കോട്ടയം: കേരളത്തിന്റെ ശാസ്ത്രസാങ്കേതിക വളര്ച്ചയില് നിര്ണ്ണായക ചുവടുവയ്പ്പായ ശ്രീനിവാസ രാമാനുജന് ഇന്സ്റ്റിറ്റിയൂട്ട് ഫോര് ബേസിക് സയന്സസിന്റെ ശിലാസ്ഥാപനവും താല്ക്കാലിക ഓഫീസിന്റെ ഉദ്ഘാടനവും മുഖ്യമന്ത്രി ഉമ്മന് ചാണ്ടി നിര്വ്വഹിച്ചു. കോട്ടയം പാമ്പാടി രാജീവ് ഗാന്ധി ഇന്സ്റ്റിറ്റിയൂട്ട് ഓഫ് ടെക്നോളജി കാമ്പസ് കവാടത്തിനു സമീപം നടന്ന ചടങ്ങില് വനം, പരിസ്ഥിതി, ഗതാഗത വകുപ്പ് മന്ത്രി തിരുവഞ്ചൂര് രാധാകൃഷ്ണന് അധ്യക്ഷത വഹിച്ചു. ശാസ്ത്ര സാങ്കേതിക മേഖലയില് മുന്പന്തിയില് നില്ക്കുന്ന അഞ്ചു രാജ്യങ്ങളുടെ പട്ടികയില് 2020 ഓടെ ഇന്ത്യയെ എത്തിക്കുന്നതിനുള്ള പരിശ്രമങ്ങളുടെ ഭാഗമാണ് ശ്രീനിവാസ രാമാനുജന് ഇന്സ്റ്റിറ്റിയൂട്ടെന്ന് മുഖ്യമന്ത്രി പറഞ്ഞു. ശാസ്ത്ര സാങ്കേതിക മേഖലയില് പാമ്പാടിക്കും കോട്ടയം ജില്ലയ്ക്കും സംസ്ഥാനത്തിനും പ്രാധാന്യം നേടിക്കൊടുക്കാന് ഈ സ്ഥാപനത്തിനു കഴിയും. കോട്ടയത്ത് ഇതിനോടകം പ്രവര്ത്തനമാരംഭിച്ച ഇന്ത്യന് ഇന്സ്റ്റിറ്റിയൂട്ട് ഓഫ് മാസ് കമ്യൂണിക്കേഷനുവേണ്ടി പുതിയ കാമ്പസ് ഒരുക്കുന്നത് ഇതിന്റെ സമീപ മേഖലയിലാണ്. ഇതെല്ലാം ഈ നാടിന്റെ വലിയ നേട്ടങ്ങളാണ്-അദ്ദേഹം ചൂണ്ടിക്കാട്ടി.
ശാസ്ത്രസാങ്കേതിക മേഖലയില് ലോകപ്രശസ്തരായ പ്രതിഭകളെ വാര്ത്തെടുക്കാന് ഇന്സിറ്റിറ്റിയൂട്ടിന് സാധിക്കട്ടെ എന്ന് മന്ത്രി തിരുവഞ്ചൂര് രാധാകൃഷ്ണന് ആശംസിച്ചു. ജോസ് കെ. മാണി എം.പി മുഖ്യപ്രഭാഷണം നടത്തി. പാമ്പാടി ഗ്രാമപഞ്ചായത്ത് പ്രസിഡന്റ് അന്നമ്മ ചെറിയാന്, ജില്ലാ പഞ്ചായത്ത് വൈസ് പ്രസിഡന്റ് അഡ്വ. ഫില്സണ് മാത്യൂസ്, പാമ്പാടി ഗ്രാമപഞ്ചായത്ത് സ്റ്റാന്റിംഗ് കമ്മിറ്റി ചെയര്മാന് സെബാസ്റ്റ്യന് ജോസഫ്, സംസ്ഥാന ശാസ്ത്ര സാങ്കേതിക പരിസ്ഥിതി കൗണ്സില് അംഗം പ്രൊഫ. എം. രാധാകൃഷ്ണപിള്ള, ഡയറക്ടര് പ്രൊഫ. ജോര്ജ് വര്ഗീസ്, അഡ്മിനിസ്ട്രേഷന് കണ്ട്രോളര് പി. രാധാകൃഷ്ണന്, പ്രഫ. രാജന് ജോര്ജ് തുടങ്ങിയവര് പങ്കെടുത്തു.
ശാസ്ത്ര സാങ്കേതിക പരിസ്ഥിതി കൗണ്സില് എക്സിക്യൂട്ടീവ് വൈസ് പ്രസിഡന്റ് പ്രൊഫ. വി.എന്. രാജശേഖരന് പിള്ള സ്വാഗതവും എസ്.ആര്.ഐ.ബി.എസ് സ്പെഷ്യല് ഓഫീസര് രാജന് പണിക്കര് നന്ദിയും പറഞ്ഞു. സംസ്ഥാന ശാസ്ത്ര സാങ്കേതക വകുപ്പിനു കീഴിലെ കേരള ശാസ്ത്രസാങ്കേതിക പരിസ്ഥിതി കൗണ്സിലിന്റെ നിയന്ത്രണത്തിലുള്ള ഇന്സ്റ്റിറ്റിയൂട്ടിനുവേണ്ടി കെട്ടിടം നിര്മ്മിക്കുന്നത് പാമ്പാടി രാജീവ് ഗാന്ധി ഇന്സ്റ്റിറ്റിയൂട്ട് ഓഫ് ടെക്നോളജി(ആര്.ഐ.ടി) കാമ്പസിലാണ്. ആര്.ഐ.ടി കവാടത്തിനു സമീപമുള്ള വാടക കെട്ടിടത്തിലാണ് താല്ക്കാലിക ഓഫീസ്.
