മനസ്സ് ജപിച്ചുകൊണ്ടിരിക്കട്ടെ. നിങ്ങള് ഏല്പ്പിച്ച പ്രവൃത്തി, മനസ്സുചെയ്യുന്നതിനെ നിങ്ങളുടെ ബുദ്ധി മേല്നോട്ടം ചെയ്തുകൊണ്ടും വര്ത്തിക്കട്ടെ. അല്പ്പനേരത്തെ മന്ത്രോച്ചാരണത്തിനുശേഷം അത് നിര്ത്താന് മനസ്സിന് മുന്നറിയിപ്പ് നല്കുക; പെട്ടെന്ന് മന്ത്രോച്ചാരണം മതിയാക്കാനും ആജ്ഞാപിക്കുക അങ്ങനെ മനസ്സ് ഉച്ചാരണം നിര്ത്തുകയും അതില് മറ്റു ചിന്താതരംഗങ്ങളൊന്നും ഇല്ലാതിരിക്കുകയും ചെയ്യുന്ന ആ സന്ദര്ഭത്തില്, ഒരു നിമിഷനേരത്തേക്കെങ്കിലും മനസ്സ് ശാന്തിപൂര്ണവും ആനന്ദശിശശൂന്യവുമായി വര്ത്തിക്കുന്നത് നിങ്ങള്ക്ക് അനുഭവപ്പെടുമാറാകും. ആ ശാന്തിയെ തെല്ലുപോലും കളങ്കപ്പെടുത്താതിരിക്കുക. നിങ്ങളുടെ സ്വേച്ഛാപ്രകാരം യാതൊരു പുതിയ ചിന്തയെയും ഇളക്കിവിടാതിരിക്കാന് പ്രത്യേകം ശ്രദ്ധിക്കുക. ആ ശുദ്ധസത്വമയമായ അന്തഃക്ഷേത്രമണ്ഡലത്തിലേക്ക് തത്കാലത്തേക്കെങ്കിലും ദുര്ഭൂതങ്ങള് കടക്കാതിരിക്കട്ടെ. തദ്സ്ഥാനത്ത് നിങ്ങളുടെ യഥാര്ഥ സ്വരൂപഭൂതവും ദുരവഗാഹവുമായ ശാന്തിയെ പ്രതിഷ്ഠിക്കുക.
– സ്വാമി ചിന്മയാനന്ദന്
