ലോകവും മനുഷ്യനുമായി ബന്ധപ്പെട്ട സകലതിനെക്കുറിച്ചും പ്രതിപാദ്യമുണ്ടെന്നതാണ് മഹാഭാരതം, രാമായണം പോലുള്ള ഇതിഹാസങ്ങളുടെ പ്രസക്തി. ഇതുവരെ കണ്ടുപിടിച്ചതും കണ്ടുപിടിക്കാന് പോകുന്നതുമായ ശാസ്ത്രാത്ഭുതങ്ങള് പുരാണങ്ങളില് നിറഞ്ഞു കിടക്കുന്നു. ശാസ്ത്രജ്ഞനെക്കാള് മുമ്പേ പറക്കുന്നവനാണ് സാഹിത്യകാരന് എന്നത് ഏറ്റവുമധികം പ്രകടമാകുന്നത് വേദ സംഹിതകളിലാണ്.
1960 ലെ മഹത്തായ ശാസ്ത്ര കണ്ടുപിടിത്തമാണ് ലേസര് ബീം. ടി.എച്ച്.മെയമാന് റൂബി ദണ്ഡ് ഉപയോഗിച്ച് കണ്ടുപിടിച്ച ലേസറില്നിന്ന് ഒട്ടേറെ പുരോഗതി കൈവന്നിരിക്കുന്നു. ഗ്യാസ് ലേസര്, സെമി കണ്ടക്ടര് ലേസര്, ഡെ ലേസര്, എന്.ഡി.യാഗ്ലേസര്, ഇവയെല്ലാം ലേസറിന്റെ നവീന രൂപങ്ങളാണ്.
കമ്മ്യൂണിക്കേഷന് ടെക്നോളജി ഇത്രയും വ്യാപകമായത് ലേസറിന്റെ വരവോടെയാണ്. സിഡി എഴുത്തും സിഡി വായനയും ഒക്കെ നടക്കണമെങ്കില് കൃത്യം 53 കൊല്ലം മുമ്പ് കണ്ടുപിടിച്ച് പിന്നീട് പരിഷ്ക്കരിച്ച ലേസര് കിരണം കൂടിയേ തീരൂ. ആധുനിക യുദ്ധമുറയിലെ ഒഴിവാക്കാനാവാത്ത ആയുധം-അതാണ് ലേസര്. അടുത്തും അകലെയുമുള്ള ഏതു വസ്തുവിനെ കത്തിച്ചു ചാമ്പലാക്കാന് വ്യത്യസ്തമായ അതിഭീമ ഊര്ജ്ജം സംഭരിച്ച കിരണം, ഐതിഹാസിക മരണകിരണ ലേസര്.
5000 കൊല്ലം മുമ്പ് രചിക്കപ്പെട്ടു എന്നു കരുതുന്ന മഹാഭാരതത്തില് ലേസറിനെക്കുറിച്ച് വിവരണമുണ്ട്. പരമശിവന് തൃക്കണ്ണ് തുറന്നു കാമദേവനെ ചാമ്പലാക്കിയ കിരണം ലേസര് അല്ലെങ്കില് മേറ്റ്ന്താണ്. ‘ശിവാലേസര്’ എന്ന് അമേരിക്കക്കാരന് ലേസറിന് പേരിടണമെങ്കില് അതിന്റെ പിന്നില് ഒരു ചരിത്രം ഉണ്ട്.
1945 ല് ഹിരോഷിമ, നാഗസാക്കി തകര്ത്തു തരിപ്പണമാക്കിയ ആറ്റംബോംബുകളെ പുരാണങ്ങളില് ബ്രഹ്മാസ്ത്രം എന്നു വിളിക്കും. 500 കൊല്ലം മുമ്പ് പരാമര്ശിക്കപ്പെട്ട ബ്രഹ്മാസ്ത്രത്തിന്റെ ശാസ്ത്രീയ പഠനം ആരംഭിക്കുന്നത് 1939 ല്. പഠനം ഇപ്പോഴും തുടര്ന്നുകൊണ്ടിരിക്കുന്നു.
വിമാനം കണ്ടുപിടിച്ചത് ആരെന്ന് ചോദിച്ചാല് റൈറ്റ് ബ്രദേഴ്സ് എന്ന് പുസ്തകം കരണ്ടു തിന്നുന്ന പിള്ളേര് പറയും. റൈറ്റ് ബ്രദേഴ്സിന് മുമ്പ് പലരും വിമാനം കണ്ടുപിടിച്ചിട്ടുണ്ടെങ്കിലും അവയൊന്നും പറന്നിട്ടില്ലായെന്ന ഉറപ്പിലാണ് റൈറ്റ് സഹോദരന്മാര് വിമാനം പറപ്പിക്കുന്നതിന് എത്രയോ മുമ്പുതന്നെ ലങ്കേശ്വരന് സിലോണില് നിന്ന് ഇങ്ങോട്ടും തിരികെ അങ്ങോട്ടും പുഷ്പക വിമാനം പറപ്പിച്ചിരിക്കുന്നു.
ദീര്ഘിപ്പിക്കേണ്ടല്ലോ, ഏതു കണ്ടുപിടിത്തവും നടത്തണമെങ്കില് ഇതിഹാസങ്ങള് വായിച്ചാല് മതി. പക്ഷെ നമ്മെ അത്ഭുതപ്പെടുത്തുന്നത് മറ്റൊന്നാണ്. ഇന്റര്നെറ്റിലെ വമ്പന് സൈറ്റുകളായ ഫേസ്ബുക്കും ട്വിറ്ററും ഇസ്ലാം മതഗ്രന്ഥങ്ങളില് പരാമര്ശിക്കപ്പെട്ടിരിക്കുന്നുവെന്നതാണത്. മുസ്ലിം മതപണ്ഡിതരുടെ അഭിപ്രായത്തില് ഫേസ്ബുക്ക്, ട്വിറ്റര് എന്നിവയില് ചിത്രങ്ങള് അപ്ലോഡ് ചെയ്യുന്നത് അനിസ്ലാമികമാണ്. നിരീക്ഷണം താലിബാന്റേതാണെങ്കില് പോട്ടെന്ന് വെയ്ക്കാം. മഴ പെയ്യാത്തത് ബാമിയന് പ്രതിമകള് മൂലമാണെന്നുള്ള വങ്കത്തരം എഴുന്നള്ളിച്ചവരാണവര്. ലക്നൗ കേന്ദ്രമായുള്ള സുന്നി-ഷിയാ പണ്ഡിതര് ആണ് ഫേസ്ബുക്ക് സാന്നിദ്ധ്യം മത ഗ്രന്ഥത്തില് കണ്ടെത്തിയെന്നത് ഭാരതീയരെ സംബന്ധിച്ച് പ്രാധാന്യമര്ഹിക്കുന്നതാണ്.
ഫേസ്ബുക്കിലൂടെ സ്നേഹവും സൗഹൃദവും പങ്കിടുന്നത് തെറ്റാണെന്ന് കാണുന്ന മതപണ്ഡിതര്, മുസ്ലിം സ്ത്രീകള് പിതാവ്, സഹോദരന്മാര്, ഭര്ത്താവ് എന്നിവരെ മാത്രമേ മുഖം കാണിക്കാവുവെന്നും പറയുന്നു. എങ്കില് ഇത്രയും കൂടി പറയണമായിരുന്നു പണ്ഡിതരെ! “മുസ്ലിം സത്രീകള് പിതാവ്, സഹോദരന് ഭര്ത്താവ് ഒഴിച്ച് ആരുടെയും മുഖത്ത് നോക്കരുതത, ഫേസ് ബുക്കില് പോലും.”
കെ.എ.സോളമന്
