കറുകച്ചാല്: തുടരെ അപകടെ നടക്കുന്ന ചങ്ങനാശ്ശേരി – വാഴൂര് റോഡിലെ വാഹനങ്ങളുടെ അമിതവേഗത നിയന്ത്രിക്കണം. കഴിഞ്ഞ ദിവസം കണിച്ചുകുളത്ത് കാര് അപകടത്തില്പ്പെട്ടു. ദിനംപ്രതി നടക്കുന്ന അപകടത്തിനു ഒരു ശമനവുമില്ല. വാഹനങ്ങളുടെ അമിതവേഗതയും മദ്യപിച്ചു വാഹനമോടിക്കുന്നവരുമാണ് അപകടങ്ങള് ഏറെ ഉണ്ടാക്കുന്നത് അമിത വേഗത നിയന്ത്രിക്കുന്നതിന് അധികൃതരുടെ ഭാഗത്തുനിന്നും ഒരു നടപടിയും എടുക്കുന്നില്ലെന്നു വ്യാപക പരാതിയുണ്ട്. ഏതാനും ദിവസങ്ങള്ക്കകം സ്കൂളുകള് തുറക്കുന്നതോടെ വാഴൂര് റോഡില് തിരക്കോടുതിരക്കാകും. ടിപ്പറുകളുടേയും ബസുകളുടേയും എന്നു വേണ്ട എല്ലാത്തരം വാഹനങ്ങളുടേയും മത്സരഓട്ടം ഈ റോഡില് പ്രതീക്ഷിക്കാം. ഇതിനിടിയില് സ്കൂളുകളുടെ വാഹനങ്ങളും നിരത്തിലിറങ്ങും സ്വകാര്യസ്കൂളുകളുടെ വാഹനങ്ങളും ഉണ്ടാകും കുട്ടികളെ കുത്തിനിറച്ചുകൊണ്ടു വരുന്ന വാഹനങ്ങളുടെ കണ്ടീഷനും നോക്കാതെയാണ് നിരത്തിലേക്ക് ഇറങ്ങുന്നത്. ഇതോടൊപ്പം ഓട്ടോകളിലും മറ്റു ചെറുവാഹനങ്ങളിലും കുട്ടികളെ കുത്തിനിറച്ച് കൊണ്ടു പോകുകയും ചെയ്യും. ഇത്തരം വാഹനത്തില് കയറ്റാവുന്നതിലും കൂടുതല് കുട്ടികളെ കയറ്റുന്നതായി പരാതിയുണ്ട്. അതേസമയം അമിതഫീസ് വാങ്ങുന്ന സ്വകാര്യ സ്കൂളുകളുടെ വാഹനങ്ങളിലും ഇതേപോലെ കുട്ടികളെ കുത്തിനിറച്ചാണു കൊണ്ടുപോകുന്നത്. ഇത്തരത്തില് കുട്ടികളെ കുത്തിനിറച്ചുകൊണ്ടുപോകുന്നവാഹനങ്ങള് അധികൃതര് പരിശോധിക്കേണ്ടതാണ്.
അപകട റോഡില്…. അമിത വേഗത; നിയന്ത്രിക്കാന് ആരുണ്ട്?
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.