നിക്ഷേപകരെന്ന നിലയില് വനിതകള്ക്ക് എത്രത്തോളം വിജയിക്കാനാവും? ഇക്കാര്യത്തില് നമ്മുടെ ചില പരമ്പരാഗത ധാരണകളായിരിക്കാം ഇവിടെ പലര്ക്കുംആശയക്കുഴപ്പമുണ്ടാക്കുന്നത്. നിക്ഷേപ സംബന്ധിയായ വിഷയങ്ങളെ സമീപിക്കുമ്പോള് സ്ത്രീകള് കൂടുതല് ശ്രദ്ധാലുക്കളാവുന്നതാണു പലപ്പോഴും കാണുന്നത്.നിക്ഷേപ സംബന്ധിയായ കാര്യങ്ങളെല്ലാം കുടുംബത്തിലെ ഏറ്റവും മുതിര്ന്ന പുരുഷന് കൈകാര്യം ചെയ്യുന്നതായിരുന്നല്ലോ ഭാരതത്തില് നിലനിന്നിരുന്ന രീതി. ഇതുതന്നെയാവണം നിക്ഷേപ രംഗവുമായി ബന്ധപ്പെട്ട ചില ധാരണകള് നിലനില്ക്കാന്വഴിയൊരുക്കിയത്. എന്നാല് പിന്നീടു സ്ഥിതിഗതികളില് വലിയ മാറ്റങ്ങളാണുണ്ടായത്. ജോലി ചെയ്യുകയും അതിനു ശേഷം വിരമിക്കുകയുമെല്ലാം ചെയ്യുന്ന വനിതകള്ധാരാളമായതോടെ സ്ഥിതിഗതികളിലും മാറ്റം വന്നു. എങ്കില് തന്നെയും സാമ്പത്തികകാര്യങ്ങള് ആസൂത്രണം ചെയ്യുന്ന ചുമതല വളരെ പെട്ടെന്നു ചുമലിലെത്തുമ്പോള്ഇവ സ്വയം കൈകാര്യം ചെയ്യേണ്ട സ്ത്രീകളതിനെ ഒരു പേടി സ്വപ്നമായിത്തന്നെയാണു കാണുന്നത്.
യാഥാര്ത്ഥ്യ ബോധത്തോടെയുള്ള ചില ധാരണകളുണ്ടാക്കിയാല് ഈ പ്രശ്നങ്ങളെല്ലാം മറി കടക്കാവുന്നതേയുള്ളു എന്നതാണു വസ്തുത.സ്വന്തം വീട്ടിലെ എന്തെല്ലാം കാര്യങ്ങളാണു സ്ത്രീകള് മറ്റാരുടേയും സഹായമില്ലാതെ കൈകാര്യം ചെയ്യുന്നത്? ഇതേ രീതിയില് തന്നെ നിക്ഷേപ സംബന്ധിയായ കാര്യങ്ങളും ആസൂത്രണം ചെയ്യാവുന്നതേയുള്ളു. വീട്ടു ചെലവുകളുടെ കാര്യം പലപ്പോഴും സ്ത്രീകള് തന്നെയാണല്ലോ കൈകാര്യം ചെയ്യുന്നത്. ഓരോ മാസവും വരുമാനത്തില് നിന്ന് എത്ര തുക വീട്ടു ചെലവുകള്ക്കായി മറ്റീവ്ക്കേണ്ടി വരുമെന്നു കണക്കാക്കുകയും അത് വരവിനെ മറികടക്കാതെ ശ്രമിക്കുകയും ചെയ്യുന്നത് അവരെ സംബന്ധിച്ച് പതിവു സംഭവം മാത്രമാണല്ലോ.
ഇവയെല്ലാം കൈകാര്യം ചെയ്യുന്ന സ്ത്രീകള്ക്ക് നിക്ഷേപത്തിന്റെ കാര്യവും മികച്ച രീതിയില് തന്നെ ആസൂത്രണം ചെയ്യാവുന്നതേയുള്ളു. അടിസ്ഥാനപരമായ രണ്ടു കാര്യങ്ങളാണിവിടെ ശ്രദ്ധിക്കേണ്ടത്. നിക്ഷേപിക്കുന്ന തുകയ്ക്ക് മൂല്യത്തിന്റെ അടിസ്ഥാനത്തില് നഷ്ടമുണ്ടാകരുത്. നിക്ഷേപിക്കുന്ന തുകയില് നിന്നു വരുമാനമുണ്ടാകണം എന്നിവയാണീ രണ്ടു പ്രാഥമിക ഘടകങ്ങള്.
ജോലി ചെയ്യുന്ന സ്ത്രീകള്ക്ക് ലഭിക്കുന്ന വരുമാനത്തിന്റെ ഒരു പങ്ക് സേവിങ്ങ്സ് ബാങ്ക് അക്കൗണ്ടുകളില് നിക്ഷേപിക്കാം.എന്നാല് സമ്പാദിക്കുന്നപണം ഇങ്ങനെ സേവിങ്ങ്സ് ബാങ്ക് അക്കൗണ്ടുകളില് നിക്ഷേപിക്കുമ്പോള് എന്താണുണ്ടാകുന്നതെന്നു പരിശോധിക്കാം.നിക്ഷേപം നടത്തുമ്പോള് സമ്പാദിച്ച തുകയില് നഷ്ടമുണ്ടാകരുതെന്ന നിബന്ധന ഇവിടെ പാലിക്കപ്പെടാനാവുന്നില്ല. പണപ്പെരുപ്പനിരക്ക് ആറു ശതമാനത്തിനു മുകളിലാകുമ്പോള് ബാങ്ക് അക്കൗണ്ടുകളിലൂടെ നിങ്ങള്ക്കു ലഭിക്കുന്നത് നാലു ശതമാനം മാത്രമാണ്. ഇവിടെ നിങ്ങളുടെ പണത്തിന്റെ മൂല്യം ഓരോ വര്ഷവും രണ്ടു ശതമാനം വീതം കുറയുകയാണു ചെയ്യുന്നത്. ഇതു മറി കടക്കാനുള്ള മാര്ഗ്ഗങ്ങളെക്കുറിച്ചു നിങ്ങള് ആലോചിക്കണം. നിങ്ങള് നിക്ഷേപിക്കുന്ന തുക എത്ര കാലത്തിനു ശേഷമായിരിക്കും ആവശ്യമായി വരുന്നതെന്നു മനസ്സിലാക്കുകയാണ് ആദ്യമായി വേണ്ടത്. എപ്പോള് വേണമെങ്കിലും ആവശ്യമായി വരുന്നവയാണ് ആദ്യ വിഭാഗത്തില് പെടുത്തേണ്ടത്. വരുന്ന മൂന്നോ അഞ്ചോ വര്ഷത്തേക്ക് ആവശ്യമായി വരാത്തവ രണ്ടാമത്തെ വിഭാഗത്തില് പെടുത്തണം. ഇവയില് ആദ്യ വിഭാഗത്തില് പെട്ടവ മ്യൂച്ചല് ഫണ്ടുകളുടെ ലിക്വിഡ് ഫണ്ടുകളിലോബാങ്കുകളുടെ ഫ്ലെക്സി അക്കൗണ്ടുകളിലോ നിക്ഷേപിക്കണം. ഇവയിലൂടെ പ്രതിവര്ഷം ഏഴു മുതല് ഒന്പതു വരെ ശതമാനം വരുമാനം നേടാനാവും.
ഇതേ രീതിയില് തന്നെ മൂന്നു മുതല് അഞ്ചു വരെ വര്ഷത്തേക്ക് ആവശ്യമില്ലാതെ വരുന്ന സമ്പാദ്യങ്ങള് ദീര്ഘകാല സ്ഥിര നിക്ഷേപങ്ങളിലോ, ഷോര്ട്ട് ടേംബോണ്ട് മ്യൂച്ചല് ഫണ്ടുകളിലോ സ്വര്ണത്തിലോ നിക്ഷേപിക്കാം. ഇതുവഴി നിങ്ങളുടെ സമ്പാദ്യം സംരക്ഷിക്കാനും അതില് നിന്നു മികച്ച രീതിയില് വരുമാനമുണ്ടാക്കാനും സാധ്യമാകും. ഇതിനിടെ അത്യാവശ്യത്തിനു പണം വേണ്ടി വന്നാല് വലിയ നഷ്ടമില്ലാതെ തന്നെ അവ ലഭിക്കാനും അവസരമുണ്ടാകും. ഇതേ രീതിയില് ആസൂത്രണംചെയ്തു നിക്ഷേപങ്ങള് നടത്തിയാല് നഷ്ടമുണ്ടാക്കാതേയും ന്യായമായ രീതിയില് വരുമാനമുണ്ടാക്കിയും മുന്നേറാന് സാധിക്കും.
രാകേഷ് ഗോയല്
