കൊച്ചി : ഡയമണ്ട് നിര്മാതാക്കളായ റിയോ ടിന്റോ ഡയമണ്ട്സിന്റെ ബ്രാന്ഡ് അംബാസഡറായി യാമി ഗൗതത്തെ തെരഞ്ഞെടുത്തു. ഈമാസം ന്യൂദല്ഹിയില് നടന്ന ഇന്ത്യ ഇന്റര്നാഷണല് ജ്വല്ലറി വീക്കില് നസ്രാന കളക്ഷന്റെ ബ്രാന്ഡ് അംബാസഡറായാണ് യാമി എത്തിയത്.
നസ്രാന ഉല്പന്നങ്ങള് 18 ക്യാരറ്റ്, 14 ക്യാരറ്റ് സ്വര്ണത്തിലും 925 സില്വറിലും ലഭിക്കും. ഇന്ത്യയിലെ 150 ഓളം റീടെയിലര്മാര് ഇത് ലഭ്യമാക്കുന്നുണ്ട്. പര്യവേക്ഷണം മുതല് വില്പന വരെയുള്ള ഡയമണ്ടിന്റെ മുഴുവന് മേഖലകളിലും പ്രവര്ത്തിക്കുന്ന റിയോ ടിന്റോയ്ക്ക് ലോകത്തെ മൂന്ന് പ്രമുഖ ഖാനികളില് ഉടമസ്ഥാവകാശമുണ്ട്. ഓസ്ട്രേലിയയിലെ ആര്ജില് മൈനിന്റെ സമ്പൂര്ണ നിയന്ത്രണവും റിയോയ്ക്കാണ്.
ഇതുകൂടാതെ കാനഡയിലെ ഡിയാവിക് മൈനില് 60 ശതമാനവും സിംബാബ്വെയിലെ മുറോവയില് 78 ശതമാനവും നിയന്ത്രണവും കമ്പനി നിലനിര്ത്തുന്നു. ഇന്ത്യയിലെ ബണ്ടര് പ്രോജക്ടിലും റിയോയ്ക്ക് താല്പര്യമുണ്ട്. ആന്റ്വെര്പ്പില് സെയില്സ്, മാര്ക്കറ്റിങ് ആസ്ഥാനമുള്ള റിയോയ്ക്ക് പ്രതിനിധി ഓഫിസ് മുംബൈയിലും പ്രവര്ത്തിക്കുന്നു.
