കുറവിലങ്ങാട് : ഇരു വൃക്കകളും തകരാറിലായി ഒരു വര്ഷത്തിലേറെയായി ബുദ്ധിമുട്ട് അനുഭവിക്കുന്ന ഗൃഹനാഥന് സന്മനസുകളുടെ സഹായം തേടുന്നു. പട്ടിത്താനം പഴയിടത്ത് കാലായില് പി.ബി. ഷാജിയാണ് (48) ചികിത്സയ്കുളള സഹായം തേടുന്നത്. ഭാര്യയും രണ്ട് കുട്ടികളുമടങ്ങുന്ന കുടുംബത്തിന് എട്ടരസെന്റ് സ്ഥലം മാത്രമേയുളളൂ. ഗ്രാമപഞ്ചായത്ത് ഇ.എം.എസ്. ഭവനപദ്ധതിയില് നിര്മ്മിച്ച് നല്കിയ വീട്ടിലാണ് താമസം. ഷാജിയുടെ രണ്ട് കുട്ടികള്ക്ക് ഹൈദരാബാദില് നേഴ്സിംഗ് പഠിക്കുന്നതിന് ബാങ്കില് നിന്ന് വിദ്യാഭ്യാസവായ്പ ഇനത്തില് 5 ലക്ഷം രൂപാ തിരിച്ചടയ്ക്കാനുണ്ട്. ഓട്ടോറിക്ഷാ തൊഴിലാളിയായിരുന്ന ഷാജിയായിരുന്നു കുടുംബത്തിന്റെ ഏക ആശ്രയം. രണ്ടു വൃക്കകളും തകരാറിലായതിനെത്തുടര്ന്ന് ജോലിചെയ്യാന് സാധിക്കാതെയിരിക്കുകയാണ്. ഷാജിയുടെ ഈ അവസ്ഥമൂലം ഷാജിയുടെ കുട്ടികള്ക്ക് പഠനം പൂര്ത്തീകരിക്കാന് സാധിക്കാത്ത അവസ്ഥയാണ്. ഷാജിയുടെ ജീവന് നിലനിര്ത്തുന്നത് കോട്ടയം മെഡിക്കല് കോളേജില് തുടര്ച്ചയായി നടത്തുന്ന ഡയാലിസിസ് മുഖേനയാണ്. ഒരാഴ്ചയ്ക്കത്തെ ചികിത്സയ്ക്ക് നാല്പ്പതിനായിരത്തിലേറെ രൂപാ ചിലവ് ഉണ്ട്. ഭര്ത്താവിനെ പരിചരിക്കുന്നതുകാരണം ഭാര്യ മിനിക്ക് മറ്റൊരു ജോലിക്കും പോകാന് കഴിയാത്ത അവസ്ഥയാണുളളത്. ഇപ്പോഴുളള ചികിത്സാ ചിലവ് നടക്കുന്നത് നാട്ടുകാരുടെ സഹകരണത്തോടെയാണ്. ഷാജിയുടെ ചികിത്സാ സഹായത്തിനായി കാണക്കാരി എസ്.ബി.ടി.യില് 67219467073 നമ്പര് അക്കൗണ്ട് തുറന്നിട്ടുണ്ട് .
ഇരു വൃക്കകളും തകരാറിലായ ഗൃഹനാഥന് ചികിത്സാ സഹായം തേടുന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.