നമ്മുടേത് ഉള്ളൂ യഥാര്ത്ഥമായ മതം. എന്തുകൊണ്ടെന്നാല് ആ മതമനുസരിച്ച് ഇന്ദ്രിയഗോചരവും മൂന്നുനാള്ക്കുള്ളില് പൊലിയുന്നതുമായ ഇഹലോകത്തെയല്ല എല്ലാറ്റിനും അന്ത്യവും ലക്ഷ്യവുമാക്കേണ്ടത്. നമ്മുടെ മഹത്തായ പ്രാപ്യസ്ഥാനമാകേണ്ടത് ഈ ലോകമല്ലാ കുറച്ചടിമാത്രം പരപ്പുള്ള ഈ കൊച്ചുലോകചക്രവാളമല്ല നമ്മുടെ മതബോധത്തിന് അതിരിടുന്നത്. നമ്മുടെ മതം അപ്പുറത്തുള്ള വിദൂരതയിലാണ്, അതിനുമപ്പുറത്താണ്- ഇന്ദ്രിയങ്ങള്ക്കുമപ്പുറം, ദേശത്തിനും കാലത്തിനുമപ്പുറം, ദൂരെ, ദൂരെ, അപ്പുറത്ത്. അവിടെയാകട്ടെ ഇഹലോകത്തിന്റേതായി ഒരു വസ്തു ബാക്കിയില്ല; ആത്മാവിന്റെ ലോകോത്തരമായ ആ സൗഭാഗ്യ സാഗരത്തില് ഈ ബ്രഹ്മാണ്ഡംതന്നെ വെറുമൊരു കണികപോലെയാകുന്നു. നമ്മുടേതായി ശരിയായ മതം. കാരണം, അത് പഠിപ്പിക്കുന്നു. ഈശ്വരന് മാത്രമേ സത്യമായിട്ടുള്ളൂ എന്ന്, ഇഹലോകം മിഥ്യയും അനിത്യവുമാണെന്ന്; നിങ്ങളുടെ പൊന്നെല്ലാം വെറും മണ്ണാണെന്ന്; നിങ്ങളുടെ പ്രതാപമെല്ലാം അല്പമാണെന്ന്; ജീവിതംപോലും പലപ്പോഴും തിന്മയാണെന്ന്. ഇതുകൊണ്ടാണ് നമ്മുടേത് ശരിയായ മതമായിരിക്കുന്നത്. നമ്മുടേതാണ് ശരിയായ മതം. കാരണം അത് എല്ലാറ്റിനുംമേലേ ത്യാഗം ഉപദേശിക്കുന്നു. ഈ ഭാരതത്തില് നമ്മുടെ പൂര്വികര് കണ്ടെത്തിയ പ്രാജ്ഞതയുടെ നിതാന്തവന്ദ്യമായ പ്രാചീനത സമ്മതിക്കുന്ന ഹിന്ദുക്കളായ നമ്മോട് തുലനം ചെയ്താല് ഇന്നലെ പിറന്ന കുഞ്ഞുങ്ങളെന്ന് കരുതാവുന്ന ജനതകളോടായി. യുഗയുഗാന്തരങ്ങളില് ഉരുക്കൂടിയ പ്രാജ്ഞതയോടുകൂടി നമ്മുടെ മതം ഉയര്ന്നുനിന്നുപദേശിക്കുകയും പ്രഖ്യാപിക്കുകയുമാണ്. കുട്ടികളേ, ഇന്ദ്രിയങ്ങളുടെ ദാസന്മാരാണ് നിങ്ങള്, ഇന്ദ്രിയങ്ങളില് പരിമിതിയേ ഉള്ളൂ. ഇന്ദ്രിയങ്ങളില് മുടിവേ ഉള്ളൂ. ചുരുങ്ങിയ മൂന്നുനാള്ക്കുള്ള ഇവിടുത്തെ അമിതഭോഗം ഒടുവില് മൂടിവിലേ കലാശിക്കൂ. അതൊക്കെ വെടിയുക. ഇന്ദ്രിയാസക്തിയും ലോകേഷണയും ത്യജിക്കുക. അതാണ് മതത്തിന്റെ മാര്ഗം. ത്യാഗത്തിലൂടെയാണ്, ഭോഗത്തിലൂടെയല്ല, ലക്ഷ്യത്തിലേക്കുള്ള വഴിന്ന അതിനാല് നമ്മുടേത് മാത്രമാണ് ശരിയായ മതം.
– സ്വാമി വിവേകാനന്ദന്
