മീനച്ചില് ഹിന്ദു സംഗമത്തോടനുബന്ധിച്ച് നടന്ന ഗോപൂജയ്ക്ക് സ്വാമി ഗരുഡധ്വജാനന്ദ തീര്ത്ഥപാദര് നേതൃത്വം നല്കുന്നു
പാലാ: ജനുവരി 12 മുതല് പാലായില് നടന്നുവരുന്ന മീനച്ചില് ഹിന്ദു മഹാസംഗമത്തിന്റെ ആറാം ദിവസമായ ഇന്ന് വൈകിട്ട് 5 ന് ഹിന്ദു നേതൃസംഗമം നടക്കും. മുന് കേന്ദ്രമന്ത്രി ഒ. രാജഗോപാല് ഉദ്ഘാടനം ചെയ്യും. ഹിന്ദു ഐക്യവേദി സംസ്ഥാന ജനറല് സെക്രട്ടറി കുമ്മനം രാജശേഖരന് മുഖ്യപ്രഭാഷണം നടത്തും. കോവില് മല രാജാവ് രാമന് രാജ മന്നാന് വിശിഷ്ടാതിഥിയായിരിക്കും. വിവിധ സമുദായ സംഘടനാ നേതാക്കളായ അഡ്വ: കെ.എം. സന്തോഷ്കുമാര്, അഡ്വ: ജയകുമാര്, കെ.എന്. ഭാസ്കരന്, മനോജ് കൊട്ടാരം, കെ.കെ. രവീന്ദ്രന്, രാധാകൃഷ്ണ വാര്യര്, എം.ആര്. ഷാജി, എം.വി. ബാബു മേലണ്ണൂര്, അനില് ആറുകാക്കല്, എ.സി. പൊന്നപ്പന്പിള്ള, വി.എസ്. മണി, കെ.പി. ദാമോദരന്, അജി കാളശ്ശേരി, ശംഭു ദേവശര്മ്മ, റ്റി.പി. സജീവ് എന്നിവര് പ്രസംഗിക്കും. ഹിന്ദു സംഗമം ജനറല് കണ്വീനര് ബിജു കൊല്ലപ്പള്ളി സ്വാഗതവും ജോയിന്റ് കണ്വീനര് ബിനീഷ് കെ.ആര്. നന്ദിയും പറയും.
വന്ദേ വിവേകാനന്ദ പ്രഭാഷണ പരമ്പരയും വിവിധ വിഷയങ്ങളെ അവതരിപ്പിച്ച് പി.സി. ഷൈലജ, എം. സുശീലദേവി, ഡോ. എന്.കെ. മഹാദേവന്, പി.പി. നിര്മ്മലന് എന്നിവര് പ്രസംഗിക്കും.
നാമജപത്തിലൂടെ ജീവിതസുഖം നേടാം
പാലാ: നിരന്തരമായ നാമജപത്തിലൂടെ മനുഷ്യന് സുഖം തേടുന്നുവെന്ന് ശ്രീപുരം താന്ത്രിക് റിസേര്ച്ച് സംഗമത്തില് ഇന്നലെ ഭാരതീയ ജീവിത ദര്ശനം എന്ന വിഷയം അവതരിപ്പിച്ചു സംസാരിക്കുകയായിരുന്നു അദ്ദേഹം. ലോകസുഖം തേടിയുള്ള യാത്രയായിരുന്നു ഭാരതീയ ദര്ശനങ്ങളുടെ അടിത്തറയെന്നും അദ്ദേഹം പറഞ്ഞു.
വന്ദേ വിവേകാനന്ദം പ്രഭാഷണ പരമ്പരയില് ഇന്നലെ പ്രൊഫ. സി.എന്. പുരുഷോത്തമന്, വീണ വി., വി.എം. നാരായണപണിക്കര്, ഏഴാച്ചേരി രാധാകൃഷ്ണന് എന്നിവര് വിഷയങ്ങള് അവതരിപ്പിച്ചു. വിനീഷ് ചൂണ്ടച്ചേരി, എം.പി. രാജപ്പന് എന്നിവര് പ്രസംഗിച്ചു.
