ചങ്ങനാശ്ശേരി: തൃക്കൊടിത്താനം വിബി യുപി സ്കൂള് പ്ലാറ്റിനം ജൂബിലി ആഘോഷങ്ങള്ക്ക് ഒരുക്കങ്ങളായി. ജനുവരി 18 മുതല് 20 വരെ തീയതികളിലാണ് ആഘോഷങ്ങള് നടക്കുന്നത്. സാംസ്കാരിക ഘോഷയാത്ര, പൊതുസമ്മേളനം, വിദ്യാഭ്യാസ സെമിനാര്, പൂര്വ്വവിദ്യാര്ത്ഥി സമ്മേളനം, ഗുരുവന്ദനം, കലാപരിപാടികള് എന്നിവ വിവിധ ദിവസങ്ങളിലായി നടക്കും.
18 ന് രാവിലെ 9 ന് എന്. ഗുപ്തര് ഐരടത്തില്ലം പതാക ഉയര്ത്തും. 10 മുതല് വിദ്യാര്ത്ഥികള് അവതരിപ്പിക്കുന്ന നൃത്തനൃത്ത്യങ്ങള്, ഏകാങ്കനാടകം എന്നിവ നടക്കും. 2 ന് സാംസ്കാരിക ഘോഷയാത്ര നടക്കും. 5 ന് ഡോ. ഫിലിപ്പോസ് മാര് ക്രിസോസ്റ്റം മാര്ത്തോമ്മ വലിയമെത്രാപ്പൊലീത്ത സമ്മേളനം ഉദ്ഘാടനം ചെയ്യും. സി.എഫ്. തോമസ് എംഎല്എ അധ്യക്ഷത വഹിക്കും. പഞ്ചായത്ത് പ്രസിഡന്റ് സുവര്ണകുമാരി സുവനീര് പ്രകാശനം ചെയ്യും. എഇഒ ഡോ. എ.കെ. അപ്പുക്കുട്ടന് സുവനീര് സ്വീകരിക്കല് ചടങ്ങ് നിര്വ്വഹിക്കും.
8ന് കോമഡിഷോ. 19 ന് 10 മുതല് വിദ്യാഭ്യാസ സെമിനാറും പൂര്വ്വ അധ്യാപകരെ ആദരിക്കലും. വിദ്യാര്ത്ഥി സംഗമവും നടക്കും. ജി. സുധാകരന് എംഎല്എ ഉദ്ഘാടനം ചെയ്യും. കേരള സര്വ്വകലാശാല മുന് വൈസ് ചാന്സിലര് ഡോ. ബി. ഇക്ബാല് അധ്യക്ഷത വഹിക്കും. കേന്ദ്ര നൂനപക്ഷ കമ്മീഷന് അംഗം ഡോ. സിറിയക് തോമസ് പ്രബന്ധം അവതരിപ്പിക്കും. കോഴിക്കോട് ലൈഫ് സയന്സ് അക്കാഡമി സെക്രട്ടറി ബാബുരാജ് ശര്മ്മ മുഖ്യപ്രഭാഷണം നടത്തും. യോഗക്ഷേമ സഭ സംസ്ഥാന പ്രസിഡന്റ് അക്കീരമണ് കാളിദാസ ഭട്ടതിരിപ്പാട് പൂര്വ്വകാല അധ്യാപകരെ ആദരിക്കലും ഫോട്ടോ അനാച്ഛാദനവും നടത്തും. ഉച്ചയക്ക് 11 ന് സ്നേഹവിരുന്ന്, 2.30 ന് വിദ്യാലയ സ്മരണകള്, 4 ന് തിരുവാതിക. 4.30 ന് സംഗീതസദസ്സ്. 5 ന് ശീതങ്കന്തുള്ളല് അവതരിപ്പിക്കും. 6 ന് നൃത്തസന്ധ്യ. 6.30 ന് നാടകം. 8 ന് പൂമരകൊമ്പ് – അവതരണം: തൃക്കൊടിത്താനം സച്ചിദാനന്ദന്. 20 ന് രാവിലെ 10 ന് വിദ്യാര്ത്ഥികള് അവതരിപ്പിക്കുന്ന കലാപരിപാടികള്. 2 ന് അക്ഷര ശ്ലോകസദസ്. 2.30 ന് സംഗീതശില്പം. 3 ന് അധ്യാപകര് അവതരിപ്പിക്കുന്ന ഗാനമേള. 4 ന് നൃത്തനൃത്യങ്ങള്. 4.30 ന് സമാപന സമ്മേളനം കേന്ദ്ര തൊഴില്സഹമന്ത്രി കൊടിക്കുന്നില് സുരേഷ് ഉദ്ഘാടനം ചെയ്യും. കെ. സുരേഷ്കുറുപ്പ് എംഎല്എ അധ്യക്ഷത വഹിക്കും. എസ്എന്ഡിപി യൂണിയന് പ്രസിഡന്റ് കെ.വി. ശശികുമാര് മുഖ്യപ്രഭാഷണം നടത്തും. 6.30 ന് സംഗീതനിശ. 7.30ന് നൃത്തസന്ധ്യ. 8.30ന് ആനന്ദനടനം എന്നിവയും നടക്കും.
പ്രതികരിക്കാൻ ഇവിടെ എഴുതുക: