പട്ടിമറ്റം: യുഡിഎഫ് സര്ക്കാര് കേരളത്തെ മാഫിയകളുടെ താവളമാക്കിമാറ്റിയിരിക്കുകയാണെന്ന് ബിജെപി ദേശീയ നിര്വാഹക സമിതിയംഗം എം.ടി.രമേശ് പറഞ്ഞു. കേരളത്തെ വിറ്റഴിക്കാനുള്ള ഗുഢാലോചനയാണ് നടത്തികൊണ്ടിരിക്കുന്നതെന്നും അദ്ദേഹം പറഞ്ഞു. വിലക്കയറ്റത്തിനും, കേന്ദ്രസംസ്ഥാന സര്ക്കാരുകളുടെ ജനദ്രോഹ നടപടിയില് പ്രതിഷേധിച്ചും ബിജെപി കുന്നത്തുനാട് മണ്ഡലം കമ്മറ്റി പട്ടിമറ്റത്ത് സംഘടിപ്പിച്ച പൊതുസമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സമ്മേളനത്തില് മണ്ഡലം പ്രസിഡന്റ് വി.എന്.വിജയന് അദ്ധ്യക്ഷത വഹിച്ചു. ജില്ല പ്രസിഡന്റ് അഡ്വ.പി.ജെ.തോമസ്, ജനറല് സെക്രട്ടറി എം.എന്.മധു, ദേശീയ സമിതിയംഗം, കെ.ആര്.രാജഗോപാല്, എം.രവി, സരള പൗലോസ്, സി.പി.രവി, ഷാജിജോര്ജ്, മനോജ് മനക്കേക്കര, എം.സന്തോഷ്, സുകുമാരന് തായിക്കാട്ട്, രാകേഷ് ഐരാപുരം എന്നിവര് സംബന്ധിച്ചു.
സമ്മേളനത്തിന് മുന്നോടിയായി ഡബിള്പാലം ജംഗ്ഷനില് നിന്നും ആരംഭിച്ച പ്രകടനത്തില് നൂര്കണക്കിന് പ്രവര്ത്തകര് പങ്കെടുത്തു. പ്രകടനത്തിന് കെ.വി.കരുണാകരന്, സി.പി.മനോജ്, ജീമോന് കടയിരുപ്പ്, പി.റ്റി.മനോജ്, പി.സി.കൃഷ്ണന്, അജിവലമ്പൂര്, സുരേന്ദ്രന് കുമ്മനോട് തുടങ്ങിയവര് നേതൃത്വം നല്കി.
