കൂത്താട്ടുകുളം: കൂത്താട്ടുകുളം ഗ്രാമപഞ്ചായത്തിലെ മെമ്പര്മാര് സ്വന്തക്കാരുടെയും വേണ്ടപ്പെട്ടവരുടെയും പേരില് മണലിനുള്ള അപേക്ഷകള് സമര്പ്പിച്ച് മണല് വാങ്ങി മറിച്ചുവിറ്റ് വന് തുകകള് സമാഹരിക്കുന്നതായി വ്യാപക പരാതി ഉയര്ന്നു. പാവപ്പെട്ട ഉപഭോക്താക്കള്ക്കുള്ള മണലാണ് ഇവര് മറിച്ച് വിറ്റ് പണം കൊയ്യുന്നത്. പഞ്ചായത്തില്നിന്നും ബില്ഡിംഗ് പെര്മിറ്റ് വാങ്ങി കെട്ടിടം പണിയുന്നവര്ക്ക് യാതൊരുവിധ പരിഗണനയും നല്കുന്നില്ല. ഉപഭോക്താക്കളില്നിന്ന് വാങ്ങിക്കുന്ന അപേക്ഷയും 150 രൂപക്കുമുള്ള കൈപ്പറ്റ് രസീത് നല്കുന്നില്ലെന്നും പരാതിയുണ്ട്. മണലിനുള്ള അപേക്ഷകള് പഞ്ചായത്ത് മെമ്പര്മാര് നേരിട്ട് വാങ്ങി സൂക്ഷിക്കുകയാണ് ചെയ്യുന്നത്. മണലിനുവേണ്ടി ചോദിക്കുമ്പോള് നിങ്ങള് അപേക്ഷിക്കുന്നതിന് മുമ്പുതന്നെ ധാരാളം അപേക്ഷകള് കൈവശമുള്ളതിനാല് ഇപ്പോള് നടക്കില്ല എന്നാണ് മറുപടി. അപേക്ഷ വാങ്ങിക്കുമ്പോള് ക്രമനമ്പര് കൊടുക്കുകയോ ഒന്നും ചെയ്യാതെ മെമ്പര്മാര് തടിതപ്പുകയാണ്.
പഞ്ചായത്ത് സെക്രട്ടറിയുടെ അറിവോടെയും ഒത്താശയോടെയുമാണ് വന്തോതില് മണല് മറിച്ച് വില്പ്പന നടക്കുന്നത്. അനധികൃത കെട്ടിടനിര്മ്മാണത്തിനും മണല് ഖാനനത്തിനും നെല്വയല് നികത്തലിനും കയ്യേറ്റത്തിനും കൂട്ടുനില്ക്കുന്ന കൂത്താട്ടുകുളം ഗ്രാമപഞ്ചായത്തിന്റെ അഴിമതിക്കെതിരെ ജനരോഷം ശക്തമായി.
