കാഞ്ഞങ്ങാട്: രാജ്യം ഭരിക്കുന്നത് അഴിമതി മുഖമുദ്രയാക്കിയ സര്ക്കാറുകളാണെന്നും പുതുതായി എങ്ങനെയൊക്കെ അഴിമതി നടത്താമെന്ന് അവര് ഗവേഷണം നടത്തിക്കൊണ്ടിരിക്കുകയാണെന്നും ഭാരതീയ യുവമോര്ച്ച സംസ്ഥാന ഉപാദ്ധ്യക്ഷന് അഡ്വ.കെ.പ്രശാന്ത് ബാബു പറഞ്ഞു. യുവമോര്ച്ച കാഞ്ഞങ്ങാട് നിയോജക മണ്ഡലം കമ്മറ്റിയുടെ ആഭിമുഖ്യത്തില് നടന്ന പദയാത്രയുടെ സമാപന സമ്മേളനം മാന്തോപ്പ് മൈതാനിയില് ഉദ്ഘാടനം ചെയ്ത് സംസാരിക്കുകായിരുന്നു അദ്ദേഹം. രാജ്യത്തെ എങ്ങനെയെല്ലാം കൊള്ളയടിക്കാമെന്ന് കോണ്ഗ്രസ് ഗവേഷണം നടത്തുകയാണെന്ന് അദ്ദേഹം കളിയാക്കി. 176൦൦൦ കോടിയുടെ ടുജി സ്പെക്ട്രം അഴിമതിയും 186൦൦൦ കോടിയുടെ കല്ക്കരിപ്പാടം അഴിമതിയും 4൦,൦൦൦ കോടിയുടെ കോമണ്വെല്ത്ത് അഴിമതിയും മാത്രമല്ല കോണ്ഗ്രസ് പ്രസിഡണ്ട് സോണിയയുടെ മരുമകന് റോബര്ട്ട് വധേരയുടെ പുതിയ അഴിമതി കഥകളും വന്നുകൊണ്ടിരിക്കുകയാണ്. ടുജി സ്പെക്ട്രം കേസില് സര്ക്കാറിന് ഉത്തരവാദിത്വമില്ലെന്ന് ബന്ധപ്പെട്ട മന്ത്രിമാര്ക്ക് മാത്രമാണ് ഉത്തരവാദിത്വമെന്നുമായിരുന്നു പ്രധാനമന്ത്രി പറഞ്ഞിരുന്നത്. ഇതിനുപിന്നാലെ സ്വന്തം വകുപ്പില് തന്നെ 186൦൦൦ കോടിയുടെ കല്ക്കരി പാടം ഇടപാടുകള് സര്ക്കാറിന് നഷ്ടം വരുത്തിയതായി സിഎജി വെളിച്ചത്ത് കൊണ്ടുവന്നപ്പോള് സിഎജിയെ കുറ്റപ്പെടുത്തുകയാണ് പ്രധാനമന്ത്രി ചെയ്തതെന്നും അദ്ദേഹം പറഞ്ഞു. ഇന്ധനവില 14 തവണയാണ് മന്മോഹന് സര്ക്കാര് വര്ദ്ധിപ്പിച്ചിരിക്കുന്നത്. കേരളത്തിലെ പ്രധാനപ്രതിപക്ഷമായ മാര്ക്സിസ്റ്റ് പാര്ട്ടി വിലക്കയറ്റത്തിനെതിരെയും മുസ്ളിംലീഗ് നടത്തുന്ന വര്ഗ്ഗീയ പ്രവര്ത്തനങ്ങള്ക്കെതിരെയും പ്രതികരിക്കുന്നില്ല. കാരണം മതേതര സര്ക്കാര് എന്നുപറയുന്ന കോണ്ഗ്രസ് സര്ക്കാര് മതത്തിണ്റ്റെ പേരില് നിശ്ചയിച്ച സച്ചാര് കമ്മീഷന് റിപ്പോര്ട്ട് അംഗീകരിച്ച് 1൦൦൦ രൂപമുതല് 14൦൦൦ രൂപ വരെ മുസ്ളീങ്ങള്ക്ക് സ്ക്കോളര്ഷിപ്പ് നല്കിയപ്പോള് അതിനെ കടത്തിവെട്ടാനായി പാലൊളി കമ്മീഷനെ വെച്ച് ആനുകൂല്യങ്ങള് വാരിക്കോരി കൊടുത്തതുകൊണ്ടാണ് ഇവര് ലീഗിനെതിരെ പ്രതികരിക്കാത്തതെന്നും അദ്ദേഹം ചൂണ്ടികാട്ടി. യുവമോര്ച്ച സംസ്ഥാന വ്യാപകമായി നടത്തുന്ന പ്രക്ഷോഭ പരിപാടികളുടെ ഭാഗമായി കോണ്ഗ്രസിനെ പുറത്താക്കൂ രാജ്യത്തെ രക്ഷിക്കൂ എന്ന മുദ്രാവാക്യമുയര്ത്തി നടത്തുന്ന പദയാത്രയുടെ കാഞ്ഞങ്ങാട് മണ്ഡലം സമാപന പരിപാടിയില് ബിജെപി മണ്ഡലം പ്രസിഡണ്ട് ഇ.കൃഷ്ണന് അധ്യക്ഷത വഹിച്ചു. ദേശീയ സമിതി അംഗം മടിക്കൈ കമ്മാരന്, ദേശീയ സമിതി അംഗം എസ്.കെ.കുട്ടന് തുടങ്ങിയവരും യുവമോര്ച്ച ജില്ലാ മണ്ഡലം ഭാരവാഹികളും സംബന്ധിച്ചു. യുവമോര്ച്ച മണ്ഡലം പ്രസിഡണ്ട് ഉണ്ണികൃഷ്ണന് കല്ല്യാണ് റോഡിണ്റ്റെ നേതൃത്വത്തില് നടന്ന പദയാത്ര ഇന്നലെ രാവിലെ വാഴുന്നോറടിയില് ബിജെപി ജില്ലാ സെക്രട്ടറി സുകുമാരന് കാലിക്കടവ് ആണ് ഉദ്ഘാടനം ചെയ്തത്.
രാജ്യം ഭരിക്കുന്നത് അഴിമതി മുഖമുദ്രയാക്കിയ സര്ക്കാര്: യുവമോര്ച്ച
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.