നീലേശ്വരം: വിശ്വഹിന്ദു പരിഷത്ത് കാഞ്ഞങ്ങാട് ജില്ലാ ജനറല് സെക്രട്ടറി പി വി വിനോദിണ്റ്റെ തൈക്കടപ്പുറം പാലിച്ചോന് ജംഗ്ഷന് സമീപമുള്ള വീടിന് നേരെ അക്രമം. ൨൨ഓളം വരുന്ന എന്ഡിഎഫ് അക്രമിസംഘം കല്ലേറ് നടത്തുകയും ഭീഷണിപ്പെടുത്തുകയും ചെയ്യുകയായിരുന്നു. ഇന്നലെ രാവിലെ വീടിന് സമീപം കുറെ ആളുകള് ക്രിക്കറ്റ് കളിച്ചിരുന്നുവത്രെ. വീടിന് സമീപത്ത് കൂവലും ബഹളവും അസഹ്യമായപ്പോള് വിനോദിണ്റ്റെ പിതാവ് കൊട്ടന് അവരോട് കുറച്ച് മാറി കളിക്കാന് പറഞ്ഞിരുന്നു. ഇതില് പ്രകോപിതരായ ചിലര് അദ്ദേഹത്തെ തെറിവിളിക്കുകയും കയ്യേറ്റം നടത്താന് ശ്രമിക്കുകയും ചെയ്തിരുന്നു. കൊട്ടന് നീലേശ്വരം പോലീസ് സ്റ്റേഷനില് പരാതി കൊടുത്തതിനെ തുടര്ന്ന് പോലീസ് അവരെ വിളിപ്പിക്കുകയും കളി നിര്ത്തിവെക്കാന് പറയുകയും താക്കീത് നല്കി വിട്ടയക്കുകയും ചെയ്തു. ഇതില് കൊട്ടനെ കൈയ്യേറ്റം ചെയ്യാന് ശ്രമിച്ച റഹ്മാണ്റ്റെ മകന് റംഷാദ്, അദ്ദേഹത്തോട് പോലീസ് സ്റ്റേഷനില് ക്ഷമാപണം നടത്തുകയും പ്രശ്നം തീരുകയും ചെയ്തിരുന്നു. എന്നാല് വൈകുന്നേരത്തോടെ ഇവരുള്പ്പെടുന്ന എന്ഡിഎഫ് സംഘം വീടിന് നേരെ കല്ലേറ് നടത്തിയതിനെ തുടര്ന്ന് ഇവിടെ സംഘര്ഷാവസ്ഥ നിലനില്ക്കുകയാണ്. വി എച്ച് പി ജില്ലാ സെക്രട്ടറിക്ക് നേരെയും ഇവര് ഭീഷണി മുഴക്കിയിട്ടുണ്ട്.
വിശ്വഹിന്ദു പരിഷത്ത് ജില്ലാ സെക്രട്ടറിയുടെ വീടിന് നേരെ എന്ഡിഎഫ് അക്രമം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.