പനജി: ഗോവയിലെ 40 അംഗ നിയമസഭയിലേക്കു നടന്ന തെരഞ്ഞെടുപ്പില് ബി.ജെ.പി മുന്നേറ്റം. കോണ്ഗ്രസിന് തിരിച്ചടി നല്കിക്കൊണ്ട് 22 സീറ്റില് ബി.ജെ.പി വിജയിച്ചു. കോണ്ഗ്രസിന് ഒമ്പതു സീറ്റ് മാത്രമാണു നേടാന് കഴിഞ്ഞത്. 40 സീറ്റാണു ഗോവ നിയമസഭയില് ഉള്ളത്.
മുഖ്യമന്ത്രിയെ ഉടന് നിഴ്ചയിക്കുമെന്ന് ഗോവ ബി.ജെ.പി അധ്യക്ഷന് മനോഹര് പരികര് പറഞ്ഞു. അനധികൃത ഖനനമാണു കോണ്ഗ്രസിനു തിരിച്ചടിയായതെന്നു പാര്ട്ടി വക്താവ് അഭിഷേക് സിങ് വി പറഞ്ഞു. പരാജയത്തെക്കുറിച്ചു വിശദമായ അന്വേഷണം നടത്തുമെന്നും അദ്ദേഹം പറഞ്ഞു.
തെരഞ്ഞെടുപ്പിന് തൊട്ടുമുന്പ് സഖ്യകക്ഷിയായ മഹാരാഷ്ട്രവാദി ഗോമന്തക് പാര്ട്ടി(എം.ജി.പി) മുന്നണി വിട്ട് ബി.ജെ.പിയോടൊപ്പം ചേര്ന്നത് ഇലക്ഷന് ഫലത്തില് നിര്ണയായകമായി. അതേസമയം മണിപ്പൂരിലെ ഫലം കോണ്ഗ്രസിന് ആശ്വാസമായി.
മണിപ്പൂര് പീപ്പിള്സ് പാര്ട്ടി, എന്.സി.പി, സി.പി.എം, ജെ.ഡി.യു എന്നിവ ചേര്ന്ന പ്രതിപക്ഷ സഖ്യത്തിന് കാര്യമായ നേട്ടമുണ്ടാക്കാന് കഴിഞ്ഞില്ല. 22 സീറ്റില് മത്സരിച്ച എന്.സി.പിക്കാണ് ഏറ്റവും തിരിച്ചടി നേരിട്ടത്. വിശാല സഖ്യത്തിലൂടെ അധികാരം പിടിക്കാമെന്ന എന്.സി.പി നേതാവും മുന് ലോക്സഭാ സ്പീക്കറുമായ പി.എ സാങ്മയുടെ പ്രതീക്ഷകളും തകര്ന്നു.
