കൊല്ലം: രണ്ട് മത്സ്യത്തൊഴിലാളികള് വെടിയേറ്റു മരിച്ച കേസില് ഇറ്റാലിയന് കപ്പലിലെ ക്യാപ്ടന് ഉംബര്ട്ടോ വെറ്റോലിയെയും പ്രതിചേര്ക്കണമെന്ന് ആവശ്യപ്പെട്ട് ഹര്ജി. എഐഎഡിഎംകെ സംസ്ഥാന സെക്രട്ടറി അഡ്വ. ശ്രീനിവാസന് വേണുഗോപാലാണ് ഇന്നലെ കൊല്ലം ചീഫ് ജുഡീഷ്യല് മജിസ്ട്രേറ്റ് കോടതിയില് (ഒന്ന്) ഹര്ജി ഫയല് ചെയ്തത്.
കപ്പലിലെ പരമാധികാരി ക്യാപ്ടനാണെന്നും അദ്ദേഹത്തിന്റെ അറിവോ സമ്മതമോ കൂടാതെ ഒന്നും നടക്കില്ലെന്നുമാണ് ഹര്ജിക്കാരന് ചൂണ്ടിക്കാട്ടുന്നത്. വെടിവയ്പ്പും ക്യാപ്ടന്റെ അറിവോടെയായിരിക്കും നടന്നിട്ടുള്ളത്. വെടിവയ്പ്പു കേസില് ഉന്നത രാഷ്ട്രീയ സ്വാധീനത്തില് രണ്ടു നാവികരെ മാത്രമാണ് പോലീസ് പ്രതിചേര്ത്തിട്ടുള്ളത്. ഇത് കേസിനെ ദുര്ബലപ്പെടുത്തും. ക്യാപ്ടനെ അറസ്റ്റു ചെയ്യാതെ അന്വേഷണം മുന്നോട്ടു പോയാല് ഇപ്പോഴത്തെ രണ്ടു പ്രതികളും രക്ഷപ്പെടാന് സാധ്യതയുണ്ടെന്നും ഹര്ജിയില് പറയുന്നു. മജിസ്ട്രേറ്റ് ഡോണി തോമസ് വര്ഗീസ് ഫയലില് സ്വീകരിച്ച ഹര്ജി കോടതി 27ന് പരിഗണിക്കും. ഹര്ജിക്കാരനു വേണ്ടി അഡ്വ.മലയിന്കീഴ് അജിത് കോടതിയില് ഹാജരായി.
