കൊച്ചി: സ്ഥായിയായ വികസനത്തിന് സ്വദേശിയുടെ കാഴ്ചപ്പാടുകളും പ്രവര്ത്തനങ്ങളും വളരെ നിര്ണായകമായ പങ്കാണ് വഹിക്കുന്നതെന്നും വികസന പ്രവര്ത്തനങ്ങളില് എല്ലാവരേയും പങ്കാളികളാക്കുകയെന്നത് സുപ്രധാനമായ വികസന സമീപനമാണെന്നും മന്ത്രി.കെ.ബാബു അഭിപ്രായപ്പെട്ടു. സ്വാദേശി ഫെസ്റ്റിവലിന്റെ ഭാഗമായി കച്ചേരിപ്പടി ഗാന്ധി ഭവനില് സംഘടിപ്പിച്ച വികസനവും സ്വദേശിയുമെന്ന സെമിനാര് പരമ്പര ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ശരിയായ വികസനം ആര്ക്കുവേണ്ടി, എന്തിനുവേണ്ടി എങ്ങനെ എന്നീ ചോദ്യങ്ങള്ക്ക് മറുപടി കണ്ടെത്തുവാന് സാധിക്കണമെന്നും മഹാത്മാഗാന്ധി വിഭാവനം ചെയ്ത സന്തുലിത വികസന കാഴ്ചപ്പാടിലേയ്ക്ക് വികസന പ്രവര്ത്തനങ്ങളെ എത്തിക്കുവാന് സാധിക്കുമ്പോള് മാത്രമേ വികസന കാഴ്ചപ്പാടുകള്ക്ക് ലക്ഷ്യപ്രാപ്തിയില് എത്തുവാന് സാധിക്കുകയുള്ളുവെന്ന് ബാബു വ്യക്തമാക്കി. കൊച്ചി കോര്പ്പറേഷന് മേയര് ടോണിചമ്മണി അദ്ധ്യക്ഷത വഹിച്ച യോഗത്തില് ഡോ.ജേക്കബ് പുളിക്കന്, സി.കെ.വിനിരാജ്, എ.എ.ഗോപാലകൃഷ്ണന് നായര് എന്നിവര് സംസാരിച്ചു.
സ്വദേശി ഫെസ്റ്റിവലിന്റെ ഭാഗമായി ഇന്നലെ ആരംഭിച്ച സോപ്പു നിര്മാണ പരിശീലനം ഇന്നും തുടരും. 9,10 തീയതികളില് കണ്സ്യൂമര് ഉല്പന്ന നിര്മാണ പരിശീലനവും 11,12,13 തീയതികളില് പേപ്പര് ബാഗ് നിര്മാണ പരിശീലനവും 14,15 തീയതികളില് കുട നിര്മാണവും കച്ചേരിപ്പടി ഗാന്ധിഭവനില് നടക്കും. വിശദവിവരങ്ങള്ക്ക് 0484-2397510, 2365304 എന്നീ നമ്പറുകളില് ബന്ധപ്പെട്ടുക.
