പത്തനംതിട്ട: മെഴുവേലിയില്‍ നവജാത ശിശു മരിച്ചത് തലയ്ക്കേറ്റ ക്ഷതം മൂലമെന്ന് പോസ്റ്റ്മോര്‍ട്ടം റിപ്പോര്‍ട്ട്. യുവതി തലകറങ്ങി വീണപ്പോഴോ കുഞ്ഞിനെ വലിച്ചെറിഞ്ഞപ്പോഴോ ആകാം തലയ്‌ക്കു ക്ഷതമേറ്റതെന്നാണ് കരുതുന്നത്.
ചൊവ്വാഴ്ച പുലര്‍ച്ചെ നാലോടെയാണ് അവിവാഹിതയായ 21കാരി പ്രസവിക്കുന്നത്. കരഞ്ഞ കുഞ്ഞിന്റെ വായ പൊത്തിപ്പിടിച്ചുവെന്ന് യുവതി പൊലീസിന് മൊഴി നല്‍കി.ഗര്‍ഭിണിയായതും പ്രസവിച്ചതും വീട്ടുകാര്‍ക്ക് അറിയില്ലെന്നും പറഞ്ഞു. പ്രസവശേഷം പൊക്കിള്‍ക്കൊടി മുറിച്ചത് പോലും താന്‍ ഒറ്റയ്‌ക്കാണെന്നും ബിരുദ വിദ്യാര്‍ഥിനിയായ യുവതി പൊലീസിനോട് പറഞ്ഞു.
രക്തസ്രാവത്തെ തുടര്‍ന്നു യുവതി ചെങ്ങന്നൂരില്‍ ചികിത്സ തേടിയപ്പോഴാണു കുഞ്ഞു മരിച്ച വിവരം പുറത്തറിഞ്ഞത്. പൊലീസ് നടത്തിയ പരിശോധനയിലാണ് മൃതദേഹം കണ്ടെത്തിയത്.
ആണ്‍സുഹൃത്തില്‍ നിന്നാണ് യുവതി ഗര്‍ഭിണിയായത്.
പ്രതികരിക്കാൻ ഇവിടെ എഴുതുക: