എറണാകുളത്ത് യുവതി കഴുത്ത് മുറിച്ച് മരിച്ച നിലയില്‍, കുഞ്ഞ് ഗുരുതരാവസ്ഥയില്‍

കൊച്ചി: എറണാകുളം മുളവുകാട് യുവതി കഴുത്ത് മുറിച്ച്് മരിച്ച നിലയില്‍. മുളവുകാട് നോര്‍ത്ത് സ്വദേശിനി ധനികയാണ് മരിച്ചത്.

യുവതിയുടെ മൂന്നര വയസുള്ള കുഞ്ഞ് ഗുരുതരാവസ്ഥയില്‍ സ്വകാര്യ ആശുപത്രിയില്‍ ചികിത്സയില്‍. കുട്ടിയെ കൊലപ്പെടുത്താന്‍ ശ്രമിച്ച ശേഷം ആത്മഹത്യാ ചെയ്‌തെന്നാണ് പൊലീസിന്റെ നിഗമനം.

എറണാകുളം മുളവുകാട് നോര്‍ത്തില്‍ വ്യാഴാഴ്ച് രാവിലെ ഒന്‍പത് മണിയോടെയാണ് സംഭവം. ഭര്‍ത്താവ് രാമകൃഷ്ണനാണ് ഭാര്യ ധനികയെയും കുഞ്ഞിനെയും രക്തത്തില്‍ കുളിച്ച നിലയില്‍ കണ്ടെത്തിയത്. കഴുത്തിന് ആഴത്തില്‍ പരിക്കേറ്റ ധനിക സംഭവസ്ഥലത്തു വച്ചു തന്നെ മരിച്ചു.

കൃത്യത്തിനുപയോഗിച്ച കറികത്തി വീട്ടില്‍ നിന്ന് കണ്ടെത്തി. സംഭവത്തില്‍ വിശദമായ അന്വേഷണം നടക്കുമെന്ന് മുളവുകാട് പൊലീസ് പറഞ്ഞു.