തൃശ്ശൂര്‍: തൃശൂര്‍ രൂപം അലങ്കോലപ്പെടുത്താന്‍ശ്രമമുണ്ടായെന്ന് മുഖ്യമന്ത്രി പിണറായി വിജയന്‍. അത് സംബന്ധിച്ച റിപ്പോര്‍ട്ട് ചൊവ്വാഴ്ച തന്റെ കൈയ്യില്‍ കിട്ടും.റിപ്പോര്‍ട്ട് കണ്ടിട്ടില്ലെന്നും അത് പുറത്തുവിടുമെന്നും മുഖ്യമന്ത്രി പറഞ്ഞു.
റിപ്പോര്‍ട്ടില്‍ എന്താണെന്ന് മൂന്നാല് ദിവസം കാത്തിരുന്നാല്‍ മനസിലാകും. മാധ്യമങ്ങള്‍ റിപ്പോര്‍ട്ട് കാണാതെയാണ് വാര്‍ത്ത പടച്ചു വിടുന്നതെന്നും മുഖ്യമന്ത്രി കുറ്റപ്പെടുത്തി.
അതേസമയം, നിക്ഷിപ്ത താത്പര്യക്കാരുടെ എതിര്‍പ്പിന് മുന്നില്‍ വഴങ്ങിക്കൊടുക്കേണ്ടതല്ല സര്‍ക്കാരെന്നും പിവി അന്‍വറിനെ പേരെടുത്ത് പറയാതെ മുഖ്യമന്ത്രി പറഞ്ഞു.പറഞ്ഞ് മനസിലാക്കുമ്പോള്‍ വഴങ്ങിയില്ലെങ്കില്‍ സര്‍ക്കാര്‍ സര്‍ക്കാരിന്റെ വഴിക്കു നീങ്ങുമെന്നും അദ്ദേഹം പറഞ്ഞു.സിപിഎം പാര്‍ട്ടിയുടേതായ മാര്‍ഗത്തില്‍ മുന്നോട്ട് പോവുകയാണ്.
അഴീക്കോടന്‍ രാഘവന്‍ അനുസ്മരണ പരിപാടിയില്‍ സംസാരിക്കുകയായിരുന്നു മുഖ്യമന്ത്രി. വയനാടിന്റെ പേരില്‍ തെറ്റായ കാര്യങ്ങള്‍ വലത് മാധ്യമങ്ങള്‍ പ്രചരിപ്പിച്ചെന്നും അദ്ദേഹം കുറ്റപ്പെടുത്തി.
പ്രതികരിക്കാൻ ഇവിടെ എഴുതുക: