രാജ്യത്തിന്റെ മതേതര ഘടന കോൺഗ്രസ് തകർത്തു , ജനക്ഷേമത്തിന് രാഹുലിന്റെ പാർട്ടി തുരങ്കം വയ്‌ക്കുന്നു

ഖുന്തി: കോൺഗ്രസ് രാജ്യത്തിന്റെ മതേതര ഘടനയെ തകർക്കുകയാണെന്നും ഹിന്ദുക്കളെയും മുസ്ലീങ്ങളെയും വിഭജിക്കുന്ന രാഷ്‌ട്രീയം കളിക്കുകയാണെന്നും പ്രതിരോധ മന്ത്രി രാജ്‌നാഥ് സിംഗ് ആരോപിച്ചു.

ബിജെപി സ്ഥാനാർത്ഥിയും കേന്ദ്രമന്ത്രിയുമായ അർജുൻ മുണ്ടയ്‌ക്ക് അനുകൂലമായി ഖുന്തിയിൽ നടന്ന റാലിയെ അഭിസംബോധന ചെയ്യവെയാണ്അദ്ദേഹം ഇക്കാര്യം വ്യക്തമാക്കിയത്.

കോൺഗ്രസ് ജനക്ഷേമത്തിന് എതിരായി പ്രവർത്തിക്കുകയാണെന്ന് സിംഗ് ആരോപിച്ചു. “രാജ്യത്തിന്റെ മതേതര ഘടനയെ കോൺഗ്രസ് തകർത്തു. എന്നാൽ മതത്തിന്റെയും ജാതിയുടെയും അടിസ്ഥാനത്തിലുള്ള വിവേചനത്തിൽ നിന്ന് ബിജെപി വിട്ടുനിൽക്കുന്നു,” – അദ്ദേഹം പറഞ്ഞു.

ന്യൂദൽഹിയിലെ ജാമിയ മില്ലിയ യൂണിവേഴ്‌സിറ്റിയിലും അലിഗഡ് മുസ്ലീം യൂണിവേഴ്‌സിറ്റിയിലും എസ്‌സി/എസ്ടി സംവരണം ഇല്ലാതാക്കുന്നതിൽ കോൺഗ്രസ് ശ്രമിക്കുന്നുവെന്ന് സിംഗ് പറഞ്ഞു.

മൂന്ന് വർഷത്തിനുള്ളിൽ യുഎസിനും ചൈനയ്‌ക്കും ശേഷം ലോകത്തെ ഏറ്റവും മികച്ച മൂന്ന് ആഗോള സമ്പദ്‌വ്യവസ്ഥകളിൽ ഇന്ത്യയും ഇടംപിടിക്കുമെന്ന് പ്രതിരോധ മന്ത്രി തന്റെ പ്രസംഗത്തിൽ പറഞ്ഞു.