കാസര്‍കോട്: ഓരോ വോട്ടും ഉറപ്പാക്കാന്‍ കാസര്‍കോട്ടെ എന്‍ഡിഎ സ്ഥാനാര്‍ത്ഥി എം.എല്‍. അശ്വിനി മുംബൈയിലെത്തി. കന്നട, തുളു, മലയാളം സംസാരിക്കുന്ന നിരവധി കാസര്‍കോട്ടുകാര്‍ മുംബൈയില്‍ പല സ്ഥാപനങ്ങളില്‍ ജോലി ചെയ്യുന്നുണ്ട്. അവരെ നേരില്‍ കണ്ട് വോട്ട് അഭ്യര്‍ത്ഥിക്കാനാണ് അശ്വിനി മുംബൈയിലെത്തിയത്.
പൊതുപ്രവര്‍ത്തകനും മുംബൈ വ്യവസായിയുമായ സന്തോഷ് ജി. ഷെട്ടിയുടെ നേതൃത്വത്തിലാണ് മുംബൈ താനെ സ്റ്റേഡിയത്തില്‍ മഹാസമ്മേളനം സംഘടിപ്പിച്ചത്. മഹാരാഷ്‌ട്ര സംസ്ഥാന പൊതുമരാമത്ത് വകുപ്പ് മന്ത്രി രവീന്ദ്ര ചൗഹാനാണ് പരിപാടിയില്‍ പങ്കെടുത്ത മുഖ്യന്‍.
6000 ആളുകള്‍ പങ്കെടുത്ത പരിപാടിയില്‍ എം.എല്‍. അശ്വിനിയെ കൂടാതെ ദക്ഷിണ കന്നട പാര്‍ലമെന്റ് സ്ഥാനാര്‍ത്ഥി ബ്രിജേഷ് ചൗട്ട, ഉഡുപ്പി ചിക്കമംഗ്ലൂര്‍ സ്ഥാനാര്‍ത്ഥി കോട്ടെ ശ്രീനിവാസപൂജാരി എന്നിവരും ഉണ്ടായിരുന്നു.
പ്രതികരിക്കാൻ ഇവിടെ എഴുതുക: