തിരുവനന്തപുരം: ബി ജെ പി ദേശീയ അധ്യക്ഷന് ജെ പി നദ്ദയെ സന്ദര്ശിച്ച പാര്ട്ടി ദേശീയ കൗണ്സില് അംഗം കൂടിയായ നടന് കൃഷ്ണകുമാര് ലോക്സഭാ തെരെഞ്ഞെടുപ്പിന്റെ മുന്നൊരുക്കങ്ങളും തലസ്ഥാന നഗരത്തിന്റെ വികസനവും ചര്ച്ച ചെയ്തു. തിരുവനന്തപുരത്തെ സംഘടനാപരമായ കാര്യങ്ങളും ചര്ച്ചാ വിഷയമായി.
പാര്ലമെന്റിലെ നദ്ദയുടെ ഓഫീസിലായിരുന്നു കൂടിക്കാഴ്ച. തിരുവനന്തപുരത്തിന്റെ സമഗ്ര വികസനത്തിനു ആവശ്യമായ പദ്ധതികളും പരിപാടികളും കൃഷ്ണകുമാര് നദ്ദയ്ക്ക് മുന്നില് അവതരിപ്പിച്ചു. നഗരത്തിന്റെ അടിസ്ഥാന സൗകര്യങ്ങള്, ആരോഗ്യ സംരക്ഷണം, വിദ്യാഭ്യാസം, തൊഴില് മേഖലകള് എന്നിവയെ മുന്നോട്ട് കൊണ്ടുപോകാന് ലക്ഷ്യമിട്ടുള്ള അനുയോജ്യമായ പദ്ധതികള് നടപ്പിലാക്കാനുള്ള സാദ്ധ്യതകള് ചര്ച്ച ചെയ്തു. എല്ലാ വിഭാഗത്തില്പെട്ട ജനങ്ങള്ക്കും അവരുടെ ആവശ്യങ്ങള്ക്കും അഭിലാഷങ്ങള്ക്കും അനുസൃതമായ വികസന കാഴ്ചപ്പാടാണ് വേണ്ടതെന്നും നദ്ദയെ അറിയിച്ചതായി കൃഷ്ണകുമാര് പറഞ്ഞു. കാലാകാലങ്ങളില് ഭരണം നടത്തിയ സംസ്ഥാന സര്ക്കാരുകള് തിരുവനന്തപുരത്തെ അവഗണിക്കുന്ന സമീപനമാണ് സ്വീകരിച്ചിട്ടുള്ളതെന്ന് നദ്ദയെ അറിച്ചതായും കൃഷ്ണകുമാര് പറഞ്ഞു.
അടുത്തു വരുന്ന ലോക്സഭാ തെരഞ്ഞെടുപ്പിന്റെ പ്രചാരണ തന്ത്രങ്ങള്, വോട്ടര്മാരെ സമീപിക്കുന്ന രീതി എന്നിവയെ കുറിച്ച് നദ്ദ സംസാരിച്ചു.കാര്യക്ഷമത, ചലനാത്മക ആശയവിനിമയ മാര്ഗങ്ങള്, സമൂഹത്തിലെ വിവിധ വിഭാഗങ്ങളുമായുള്ള നേരിട്ടുള്ള ഇടപഴകല് എന്നിങ്ങനെ സവിശേഷമായ സംഘടനാ ഘടനയെ വളര്ത്തിയെടുക്കുന്നതിനെ കുറിച്ചും നദ്ദ നിര്ദ്ദേശങ്ങള് നല്കി.
പ്രതികരിക്കാൻ ഇവിടെ എഴുതുക: