കൊല്ലം: ഓയൂരിൽ ആറ് വയസുകാരിയെ തട്ടിക്കൊണ്ട് പോയ സംഘത്തിൽ ഉൾപ്പെട്ട യുവതി നഴ്‌സിംഗ് കെയർ ടേക്കറെന്ന് സംശയം. പോലീസ് പുറത്തുവിട്ട രേഖചിത്രത്തിൽ ഒന്ന് കെയർ ടേക്കറായ യുവതിയുടേതെന്നാണ് സംശയം. കുട്ടി നൽകിയ വിവരങ്ങളുടെ അടിസ്ഥാനത്തിൽ തയാറാക്കിയ രേഖാചിത്രത്തിൽ നഴ്‌സിംഗ് കെയർ ടേക്കറായ യുവതിയുമുണ്ടെന്നാണ് പോലീസ് കണ്ടെത്തൽ.
അതേസമയം കുട്ടിയെ തട്ടിക്കൊണ്ട് പോയപ്പോൾ വാഹനത്തിൽ രണ്ട് പുരുഷന്മാരും രണ്ട് സ്ത്രീകളും ഉണ്ടായിരുന്നതായി കുട്ടിയുടെ മൊഴി. കുട്ടിയെ വീട്ടിൽ എത്തിച്ച ശേഷം ഒരു സ്ത്രീയാണ് പുറത്ത് പോയി ഭക്ഷണം വാങ്ങിയത്.
പ്രതികൾ തമ്മിൽ സംസാരം കുറവായിരുന്നുവെന്നും കുട്ടി പറയുന്നു. കുട്ടിയെ തിരികെ കൊണ്ടു വിടുന്ന സമയത്തും മൂന്നംഗ സംഘം വാഹനത്തിലുണ്ടായിരുന്നു. തട്ടിക്കൊണ്ടുപോയ ദിവസം താമസിച്ചത് ആളൊഴിഞ്ഞ വീട്ടിലായിരുന്നുവെന്നും കുട്ടി പറയുന്നു. അവിടേക്ക് പോകവെ പലയിടത്തുവെച്ചും ബലപ്രയോഗത്തിലൂടെ തല താഴ്‌ത്തിയെന്നും കുട്ടി പറയുന്നു.
പ്രതികരിക്കാൻ ഇവിടെ എഴുതുക: