തരുവണ (വയനാട്): പാലിയാണയില്‍ നിര്‍മാണത്തിലിരിക്കുന്ന വീടിന് സമീപത്തെ ഷെഡ്ഡിന് തീപ്പിടിച്ച് രണ്ട് വയോധികര്‍ പൊള്ളലേറ്റ് മരിച്ചു. പാലയാണ മണികണ്ഠാലയം ക്ഷേത്രത്തിനു സമീപം താമസിച്ചിരുന്ന തേനാമിറ്റത്തില്‍ വെള്ളന്‍ (80) വെള്ളന്റെ ഭാര്യ തേയി (68) എന്നിവരാണ് മരിച്ചത്.
ചൊവ്വാഴ്‌ച്ച രാത്രിയാണ് സംഭവം. കിടപ്പ് രോഗികളായ ഇരുവരും തനിച്ചാണ് ഷെഡ്ഡില്‍ താമസിച്ചിരുന്നത്. സമീപത്തുണ്ടായിരുന്ന യുവാക്കളാണ് ആദ്യം തീ കണ്ടത്. തുടര്‍ന്ന് സമീപവാസികള്‍ വെള്ളം കോരിയൊഴിച്ചു തീ കെടുത്തിയെങ്കിലും വെള്ളന്‍ സംഭവ സ്ഥലത്ത് തന്നെ മരിച്ചു. അരയ്‌ക്ക് താഴേക്കും കൈക്കും മറ്റും ഗുരുതര പൊള്ളലേറ്റ തേയിയെ വയനാട് മെഡിക്കല്‍ കോളജില്‍ പ്രവേശിപ്പിച്ചെങ്കിലും ഇന്നലെ രാവിലെയോടെ മരിച്ചു. വെള്ളമുണ്ട പോലീസ് സ്ഥലത്തെത്തി പ്രാഥമിക നടപടികള്‍ സ്വീകരിച്ചു അടുപ്പില്‍ നിന്നും തീപടര്‍ന്നതാകാം എന്നതാണ് പ്രാഥമിക നിഗമനം.
മക്കള്‍: അണ്ണന്‍, വനജ, മണി, ബിന്ദു.
പ്രതികരിക്കാൻ ഇവിടെ എഴുതുക: