ന്യൂദല്‍ഹി: ത്രിദിന ഔദ്യോഗിക സന്ദര്‍ശനത്തിനായി കേന്ദ്രമന്ത്രി വി. മുരളീധരന്‍ ജപ്പാനില്‍ എത്തി. ജപ്പാന്‍ വിദേശകാര്യ സഹമന്ത്രി ഹൊറി ഐവാവോയുമായി കേന്ദ്രമന്ത്രി കൂടിക്കാഴ്ച നടത്തി. നയതന്ത്ര ബന്ധം ശക്തിപ്പെടുത്തുന്നതും വിവിധ മേഖലകളിലെ പങ്കാളിത്തവും സഹകരണവും കൂടിക്കാഴ്ചയില്‍ ചര്‍ച്ചയായി. സാമ്പത്തിക, വ്യാപാര, വ്യവസായ ഉപമന്ത്രി ഇഷി ടാക്കുവുമായും മുരളീധരന്‍ കൂടിക്കാഴ്ച നടത്തി. ജപ്പാന്‍- ഭാരതം അസോസിയേഷന്‍ പ്രതിനിധികളുമായും ടോക്കിയോയില്‍ ഭാരത എംബസി ഉദ്യോഗസ്ഥരുമായും കൂടിക്കാഴ്ച നടത്തി. ഭാരത പ്രവാസി സമൂഹത്തെയും കേന്ദ്രമന്ത്രി അഭിസംബോധന ചെയ്തു. ടോക്കിയോയിലെ അസകുസയില്‍ സ്ഥിതി ചെയ്യുന്ന പുരാതന ബുദ്ധക്ഷേത്രമായ സെന്‍സോ-ജിയിലും അദ്ദേഹം സന്ദര്‍ശനം നടത്തി.
ഒയിറ്റയിലെ റിറ്റ്‌സുമൈക്കന്‍ ഏഷ്യാ പസഫിക് യൂണിവേഴ്‌സിറ്റിയില്‍ ‘ഭാരതവും ഉയര്‍ന്നുവരുന്ന ലോകവും’ എന്ന വിഷയത്തില്‍ കേന്ദ്രമന്ത്രി പ്രഭാഷണം നടത്തി. ഇരുരാജ്യങ്ങളുടെയും സാംസ്‌കാരികവും ചരിത്രപരവുമായ ബന്ധത്തെ ഊട്ടിയുറപ്പിക്കാന്‍ ലക്ഷ്യമിട്ടാണ് സന്ദര്‍ശനം.
പ്രതികരിക്കാൻ ഇവിടെ എഴുതുക: